趙哲妤為咗慳錢養BB，所以買車都要左計右計。
單親媽媽趙哲妤（Uny）去年由於為未婚誕下女兒Natalie而與媽媽不和，一度遷出趙家，獨自搬到荃灣居住，但產後雨過青天，母女無隔夜仇，Uny亦搬回趙家與媽媽同住，趙母更樂於湊孫女。日前爆出趙母投資有道，持有超過十個物業，涉獵的生意亦十分廣泛，如首飾、餐廳等，最近更買了80萬新車，認真厲害。雖然有富貴媽咪，但Uny亦從來保持低調，甚少談及媽咪，據悉Uny不想因為自己是藝人身份而影響媽咪，而且自少媽咪亦有教導投資及自力更生，所以Uny未有因媽咪而大使，加上產後要照顧女兒開支，又斷絕與囡囡爸爸聯絡，生活捉襟見肘。
睇唔啱價得個試
日前Uny推住粉紅色BB車現身銅鑼灣一間車行，但未見BB在車內，只見她一進去就與男售貨員密密傾，見她對新出的約30萬旅行車情有獨鍾，在車上左試右試，更將BB車放入車尾箱內試位，似乎想買車方便接送BB。平時見Uny駕駛靚跑，想不到會為BB而買大車，Uny跟售貨員外出試車15分鐘，落車時笑容滿面，雖然下起毛毛雨，但她仍情深深望住新車，要售貨員呼喚先回個神來入店內。入到店內售貨員落足嘴頭，但Uny不斷用電話計數，皺晒眉頭，似乎價錢未啱心水，最後只試無買。據悉Uny平時的座駕壞了，為了BB安全及舒適想買大車，但覺得新車落地無三成，所以好大機會要買二手車，為了BB唯有慳住買。
來源 source: http://hk.on.cc
|
鍾意就快D Share啦！
|
|
|
