2017年6月14日 星期三

復出樂壇恨生B延遲出歌 46歲李蕙敏試管嬰兒失敗 __,李蕙敏,

復出樂壇 恨生B延遲出歌46歲李蕙敏試管嬰兒失敗娛樂要聞從小被養父母湊大的李蕙敏(Amanda),4年前嫁給英籍老公SergeMicallef,做了人 ...


復出樂壇 恨生B延遲出歌

46歲李蕙敏試管嬰兒失敗

娛樂要聞

從小被養父母湊大的李蕙敏(Amanda),4年前嫁給英籍老公Serge Micallef,做了人妻的她很想育有自己的兒女,現年46歲的Amanda已屆高齡產婦界線,兩夫婦試過接受IVF(試管嬰兒)醫學幫助,今年復出的她甚至為造人計劃延遲新歌推出,可惜越努力卻越失望,Amanda豁達面對懷孕失敗的打擊,重拾心情為新歌拍MV。



46歲的李蕙敏近兩年來試過各樣生仔秘方,連試管嬰兒亦試過,可惜仍不成功。

出道29年的李蕙敏憑絕世慘情歌《活得比你好》、《你沒有好結果》唱紅,曾被封為慘情歌后的她,現實中的身世亦很坎坷,20歲才知父母跟她沒血緣關係,被收養的Amanda曾跟養母關係不好,4年前Amanda嫁給英籍老公Serge Micallef,一直渴望家庭溫暖的她,很想育有自己的親生兒女,可惜婚後經過兩年努力,甚至尋求醫學幫助都未能如願。日前Amanda接受本報電話訪問慨嘆:「我哋都有睇醫生,試過一、兩次IVF,但唔成功!」



回歸樂壇的李蕙敏狀態大勇,近日穿比堅尼拍新歌MV。



李蕙敏邀健身教練Luke做MV男主角,她當然有向老公備案。



李蕙敏以低沉嗓唱《活得比你好》爆紅,被封慘情歌后。資料圖片

刻意增肥

Amanda今年再戰樂壇,坦言之前為了造人計劃,刻意增肥10磅,甚至延遲新歌《再度》的宣傳:「因為都過咗一段時間,連呢首歌都係為咗呢件事延遲plug,𠵱家已經年中,冇辦法再等。」問到造人失敗是否很失望?她坦言:「當然希望有梗係好啲,但自己今年幾隨心,因為越緊張越難有。」

由於Amanda已經46歲,明白自然受孕的機會較低,所以近兩年來,夫婦四出尋求生仔秘方,更向醫學方法求助:「我哋結婚4年,都係呢兩年開始造人,因為大家都忙,佢又要出trip,我哋都係上兩個月加緊(造人),自己仲將工作延後,我哋都有睇醫生,試過一、兩次IVF,但唔成功,我哋都好平常心,盡力而為,冇得心急冇得介意。」問到出碟是否要暫停造人計劃?她表示:「都唔係嘅,順其自然。」

收拾心情的Amanda開始專注工作,為新歌《再度》破戒着火紅比堅尼拍MV,46歲的她風情萬種身形甚弗,她笑說:「出海着比堅尼好合理,但其實都有壓力,自己第一次着比堅尼拍嘢,喺一個禮拜內都有捱過吓餓,主要食雞肉同菜,唔食肉我會死,盡量6點後唔食嘢。」老公知道着比堅尼拍MV?Amanda表示:「佢知道我試衫,冇話批准,佢好文明仲興奮過我。」



李蕙敏與英籍老公Serge結婚四年,二人都希望有自己的兒女。資料圖片

猛男陪曬

Amanda更邀專拍同志電影的導演雲翔跟她聯合填詞,還請外籍猛男健身教練Luke做男主角,兩人坐遊艇出海依偎曬太陽嘆香檳,Amanda說:「呢首歌講情人知己,感覺有少少曖昧。」問到為何找雲翔一齊填詞?她說:「佢係導演,之前搵我客串過電影,佢知我出新歌有興趣寫,佢未試過填詞㗎。」

採訪:皓騫


鍾意就快D Share啦!
Related Posts Plugin for WordPress, Blogger...