2017年6月1日 星期四

【事務所承認】BIGBANG成員T.O.P吸食大麻助查 警方擬將案件送檢 __,BIGBANG,

T.O.P被韓國節目爆料指早前接受警方調查韓國電視台ChannelA率先報道T.O.P涉食大麻嘅新聞韓國天團BIGBANG嘅29歲成員T.O.P於今年 ...


T.O.P被韓國節目爆料指早前接受警方調查
韓國電視台Channel A率先報道T.O.P涉食大麻嘅新聞

韓國天團BIGBANG嘅29歲成員T.O.P於今年2月入伍,現時正喺軍隊服役中,預計明年退伍。不過今日韓國電視台Channel A就報道早前T.O.P曾接受警方調查,根據報道所指警方檢驗T.O.P嘅毛髮就發現對大麻呈陽性反應,推斷去年10月時曾吸食大麻,應係入伍前嘅事,至於T.O.P係唔係慣性吸食大麻就仍未確定。警方就表示T.O.P有可能因涉嫌違反毒品條例而被起訴,而T.O.P所屬嘅YG事務所隨後回應,承認T.O.P因涉吸食大麻而接受警方調查一事,表示:「首先真心地向大家道歉,公司向當事人確認之後,T.O.P入伍前,因涉吸食大麻而接受調查,T.O.P誠實地接受調查,調查期間承認大部分指控,正深切反省中。」而警方最近就T.O.P違反大麻類管理法嘅嫌疑,向檢察方提出起訴建議。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...