2017年6月10日 星期六

【林敏驄不斷更新】舞台中間成禁區 古巨基:舞台機關全部拆除 __,林敏驄,古巨基,

0012:大會廣播叫觀眾離開,正式完場。0010:阿驄唱出《幻影》,林敏驄行上兩級,上去圓形台邊,但都係企定定唱歌,但就冇好大動作。唱《幻影》尾段,突 ...


0012:大會廣播叫觀眾離開,正式完場。0010:阿驄唱出《幻影》,林敏驄行上兩級,上去圓形台邊,但都係企定定唱歌,但就冇好大動作。唱《幻影》尾段,突然同觀眾講﹕「bye bye,對唔住。」好似想落台咁,但唱到落都仲唱緊。現場觀眾都拍手鼓掌。0001:林敏怡由工作人員帶上舞台,坐在鋼琴前準備彈琴,林敏驄再話﹕「唔好意思,令你哋今日遲入場,又cut咗啲歌,耽誤咗你哋時間。」準備唱出《這是愛》,林敏怡彈琴,彈一陣後,林敏驄走行去琴前話唔啱key,笑問﹕「個key係咪跌親。」然後更正番啱個key。2359:林敏驄作咗首歌多謝歌迷,多謝歌迷時,仲要多保險公司,自從今日知保險公司好重要。2347:黎瑞恩以透視黑色長裙上台唱《迷惑》,唱完之後,林敏驄就上台話:「多謝你阿媽!」黎瑞恩就問點解要叫佢做媽媽,之後林敏驄播出一段錄音,就係有份搞呢個騷嘅黎瑞恩講,話搞呢個騷之前好唔知點,都唔知咩人可靠,又唔知林敏驄瘋瘋癲癲,人哋會唔會批畀佢。黎瑞恩話:「o依家見佢咁開心,大家咁鍾意我都好感動,雖然唔肯定會唔會成功,但都戥佢開心。我之前開演唱會前,人哋都幫過我完成夢想,現在我有能力就幫吓人。」黎瑞恩講時把聲有啲想喊。黎瑞恩喺台上話,開心見到呢個演唱會成功,估唔到演唱會進入大直路都遇到意外,讚阿驄身材健碩,可以撐起半邊天。同時有部份觀眾,可能要趕車,開始有人陸續離場。2342:林敏驄同曹震豪上台合唱,唱出《最愛的你》同《酒杯敲你個頭》,之後林敏驄唱《永不想你》嘅時候,有大名娛樂新簽嘅陶枳樽上台一齊跳舞。2337:臨落台,關淑怡話﹕「Thank you so much,有機會再見。」跟住就落台。2336:蔡一傑離開紅館,叫佢做訪問,但佢冇停低受訪,只同記者講咗句「拜拜」就走咗。2330:演唱會開始超時,要開始計罰錢。2328:關淑怡皮衫皮褲,拉開外套少少拉鏈,露出北半球,但見佢有略為肥胖上台唱歌。2320:蔡一傑就着住桃紅色衫加黑色西裝,現場觀眾拍掌,以示鼓勵,落台時佢向觀眾飛吻,之後佢獨唱出《愛的根源》,同布志綸一樣,都係企喺出事位置附近,但係都係企定定唱。蔡一傑唱完之後,林敏驄就叫佢留低,蔡一傑仲話:「大家都知下午發生咗啲事。」阿驄就即刻問蔡一智有冇事。傑仔話:「佢好似整親尾龍骨,本來有一part係草蜢嘅,但我哋今晚唔可以表現,唔好意思。」阿驄又話:「我當時我喺化妝間,係工作人員講我聽先知。自己個一刻都嚇一跳,打亂晒之後嘅嘢,希望大家多多包涵。」傑仔話驚魂未定,但希望大家睇得開心。之後傑仔同阿驄擁抱。兩個一齊落台,然後到糖妹上台。2214:布志綸獨唱時,向台中間方向行,上咗兩個梯級,喺圓形事發位附近置唱歌,但冇行到中間,唱得太投入,圍住圓圈位置,唱到中段,工作人員上台拉番佢去安全位置。2213:薛凱琪離開嘅時候,就講到場內氣氛好好。2309:阿驄拖住苟芸慧唱出《忘不了你》,因為當年嘅MV都係有個女伴。2300:古巨基離開紅館,受訪時表示原本佢唱歌會企台中間,但上台前獲告知唔可以企上去,舞台機關全部拆除。佢表示有send message俾受傷嘅蔡一智。2258:胡琳着白色超低胸low cut長裙演唱。2246:薛凱琪黑褲黑衫露腰唱《夢伴》。小虎隊兩位成員胡渭康、林利唱《早晨校長》。再到阿驄彈鋼琴,自彈自唱。2228:古巨基上到台獨唱《霧之戀》,之後講咗少少感受,之後古巨基就唱《無心睡眠》,仲話原本首歌有dancers一齊跳舞,但由於台出現過意外嘅關係,所以得返佢一個人唱。當佢唱完之後,原本係由升降台落返去,但o依家就要由工作人員帶走。2220:阿驄問啲飛係咪好難買?佢就話:「上星期譚詠麟都搵助手想拎10張握手位飛,連譚詠麟都要撲飛,如果喺80年代係天方夜談。仲叫助手買彩色影印機,影印俾佢。」阿驄話譚校長好重要,但唔嚟都冇辦法,其實大家都識唱佢嘅歌,使乜佢嚟?佢啲歌求其搵條茂利唱都唱到。音響響起阿倫嘅歌,一把好似阿倫嘅聲線唱歌,跟住原來上台係李思捷,佢拎住貓面具遮面,唱完林敏驄就拎走佢面具,驄話﹕「你邊Q個,你邊似阿倫,你個肚腩去咗邊。」李思捷喺台下唱《編織》,再上台合唱《情兩牽》。林敏驄話﹕「觀眾知李思捷好叻扮嘢,咁你扮城城啦,城城掛住洞房,你扮佢唱得唔得。」跟住李思捷就話唱洞房版《個個讚你乖》,佢就分別用咗黎明、學友、城城同蔡楓華腔唱呢首歌。2211:師兄唱完歌,阿驄除下鬍鬚,換灰西裝、戴住黑超出場。問觀眾:「點呀頭先?得唔得呀?好多人知我開作品展,都有點唱,好意外有好多人點咗我剛出道嘅作品,《自你去後》。」並唱出呢首歌。2210:梁漢文離開紅館,佢表示o依家台中間嘅升降台都唔會,大家都要喺台嘅側面上去。問到阿驄會唔會緊張,梁漢文就話:「佢都大師級,都唔會緊張,係啲歌迷慘啲,要熱咗個鐘先有得入場。」2203:梁漢文出場唱出《深愛着你》。2202:何超儀出場前,邵音音再同林敏驄出場,林敏驄話﹕「阿婆你嚟做乜?」音音姐話:「你喺日本搵個導演番嚟係啱,喺北京搵泰廸羅賓返嚟都啱,但點解搵個外星人嚟喺呢度整咗個窿,搞到個台用唔到,個窿唔使咁大添啦。」阿驄扯開話題:「當日伊健二話不說肯嚟做嘉賓,差啲叫埋蒙嘉慧,伊健話冇所謂,因為我成日都隊佢。」邵音音:「你啱啱叫梁漢文洗蠔殻,係咪叫我係喺洗鮑魚?」林敏驄﹕「唔好,洗海膽得喇。」 2200:鄭伊健離開紅館。2145:梁漢文、鄭伊健、何超儀、邵音音等《全力扣殺》演員出場,林敏驄仲叫班朋友行上去舞台中間,講笑話係「全場扣殺」。2140: 太極同林敏驄唱到尾時,Joey Tang專登彈一個位俾林敏驄ending時跳高再落地,表現興奮。林敏驄問觀眾:「係咪等咗好耐呀?」佢仲話:「今日下午發生咗一種非工業意外, 衷心希望同事無事。」觀眾就拍掌。2133:彈結他期間,林敏驄都有唱幾句,歌名叫《一個黑色魔術女人》。太極都係由另一邊出入口通道行上台,唱完《一個黑色魔術女人》後,Joey Tang同觀眾講:「剛才辛苦晒你哋,太極同林敏驄嘅作品演唱會現在正式開始。」但眾人仍未行去台中間。2129:林敏驄開始彈結他,但係冇唱歌,太極五子隨後出場。林敏驄圍住四邊台邊彈邊行,同太極jam歌。2123:演唱會開始,全場爆滿。林敏驄着白色衫褲掛住結他出場,高舉右手同觀眾打招呼,但佢唔係喺中間升降台升上嚟,而係喺其中一邊上落台上出場,向觀眾高舉拇指。2121:現場燈未熄,螢幕播放播記者會片段,一班藝人講吓會唔會嚟林敏驄演唱會等等,包括有鄭伊健、譚詠麟、鍾鎮濤、草蜢、鄭中基、張衛健等。2107:傳媒入場,見舞台已經搭見好,開四面台,台中心是一張巨型黑膠碟,未有升起。工作人員在場外安撫觀眾。2100:舞台已搶修完成,觀眾入場。2050:工作人員表示可以入場。2047:據場內工作人員透露,個台已經整番好,可以如常升降。2023:門外觀眾人潮延至紅館對面馬路,開始有人鼓譟,粗口橫飛。

有人鬧﹕企成個鐘,搵個負責人講啦,你開定唔開呀?呢度個個都七老八十㗎!

有人又問﹕咁你幾點開呀?又唔啋人。

有人嗌﹕有人見暈呀!要幫手呀。2014:大名娛樂工作人員丘先生剛透露約20-30分鐘後正式可以入場,但rundown有少少改動,有關部門檢查過後,個台係冇問題,可以如期開騷。

2000:至晚上八時左右,場外聚集了大批等候入場的觀眾,但依家仍未知消息。紅館黃閘樓梯位,有一名紅館工作人員攞大聲公出嚟講嘢,叫觀眾去較空曠位置企,因為要等多半小時先再有消息公佈。

台板突然間斜時今次紅館發生之塌台事件,據知意外發生時正值綵排,突然發生塌台意外。據現場人員消息指,當時草蜢綵排林敏驄作品《華麗舞台》時,三個人在台上唱緊。台上仲有八至十名dancers,當中間圓形台板突然間斜時,有消息話全部人全部碌落台底,台底約6-8呎咁高。台底是平時換衫的升降台,下面底是空心,有鐵枝支撐住木板台。準備上台時,出入通道都係嗰個位。林珊珊稱蔡一智已返家,又WhatsApp報平安,珊珊笑言:「佢話因為個pat pat好痛,所以呢幾日嘅工作就唔可以如常。因為傑仔今晚有一首獨唱歌,所以傑仔會留喺紅館唱埋佢,聽晚都一樣。阿智就會休息幾日。」演唱會曲目:

1.《一個黑色魔術女人》

2.《再等幾天》

3.《淚之旅》

(採訪、攝影:王連連、仇志德、葉君海、羅德光、黃曉程、廖達燊)
9點正,開始入場
舞台搶修完成
阿驄彈住結他出場。
梁漢文覺得歌迷好慘,因為熱咗成個鐘。
鄭伊健十點嘅時候離開紅館
第三套衫:黑西裝。 同古巨基嚟個抱抱。
(林敏驄facebook圖片)
(林敏驄facebook圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...