2017年6月30日 星期五

袁澧林自認貪玩 一腳踏兩船預畀人鬧 __,袁澧林,

Angela同劇中角色都好似,性格外向鍾意玩。文青女神袁澧林(Angela)、宅男女神杜小喬及兩位型男劉俊謙、馬志威(Edward)合演ViuTV劇集 ...


Angela同劇中角色都好似,性格外向鍾意玩。

文青女神袁澧林(Angela)、宅男女神杜小喬及兩位型男劉俊謙、馬志威(Edward)合演ViuTV劇集《瑪嘉烈與大衛系列 前度》,飾演大衛的劉俊謙與小喬拍拖,同時又戀上廖碧兒,飾演瑪嘉烈的Angela原本有男友許志安,卻與DJ花心男Edward有一手,劇中感情關係複雜!

劇中Angela咀戲連場,除獻出螢幕初吻予Edward,又與安仔有咀戲,講到跟Edward的車內激咀,她直言拍攝時緊張到不停傻笑,幸而Edward準備充足更帶定漱口水,令她安心不少。劇中演花心女一腳踏兩船,Angela笑言預咗畀人鬧,更直言跟瑪嘉烈竟有相似之處:「瑪嘉烈係幾貪新鮮嘅人,覺得人生要拍多幾次拖,同我相似係性格外向鍾意玩,但愛情觀唔同,我都覺得瑪嘉烈好衰,我相信會對多過一個人有好感,但同時有兩個男友好攰,我應付唔到。(同男友拍拖兩年冇呢啲小風波?)冇,入行後係審美疲勞,見太多靚仔,唔會咁易心動。」

被網友封為「娘娘」的小喬為劇集獻出多個第一次,平日甚怕與人有身體接觸,今次豁出去向阿謙獻出螢幕初吻!阿謙踢爆她咀到硬晒:「佢上身好似冇咩咁,但對腳緊張都夾埋!」小喬說:「心情好似真係初吻咁囉!(好耐冇錫?)都一段時間,哎呀!做咩講呢啲,因為好多人望住,心係咁跳!」但阿謙亦不是接吻老手,在此劇將螢幕初吻獻給廖碧兒,之後再咀小喬,可算「五十步笑百步」,他笑說:「其實大家都緊張,我都好耐冇錫個嘴生晒青苔。」因拍劇結為好友的阿謙與小喬不停互窒講笑,問有否發展空間?他們齊聲說:「冇戀愛火花!係兄弟感覺。」

服裝:Sandre/initial(袁澧林)、Scotch & Soda(劉俊謙)、

one after another

NICE CLAUP(杜小喬)

Stylist:Menphie(杜小喬、劉俊謙)


來源 source: http://hk.on.cc
鍾意就快D Share啦!
Related Posts Plugin for WordPress, Blogger...