2017年6月21日 星期三

【恐怖北韓】曾被迫簽悔過書!洪永城:要寫無意威脅金正恩政權 __,金正恩,洪永城,

(facebook截圖)【新增回應】北韓一直係一個外界不知嘅世界,有脫北者講出生活嘅辛酸、有北韓人歌頌國家嘅「偉大」,由於一個封閉嘅國家,甚麼事都有機 ...


(facebook截圖)

【新增回應】北韓一直係一個外界不知嘅世界,有脫北者講出生活嘅辛酸、有北韓人歌頌國家嘅「偉大」,由於一個封閉嘅國家,甚麼事都有機會發生,22歲美國大學生瓦姆比爾(Otto Warmbier)前年12月去北韓旅遊期間,偷政治標語被捕,去年3月被判顛覆國家罪成,判15年勞改,北韓日前指佢被判刑後不久,因肉毒桿菌中毒同服安眠藥,一直昏迷至今,上周獲北韓釋放,下機時需他人搬抬,美國醫療團隊指他離奇昏迷17個月,腦部組織嚴重受創,變成植物人,其家人周一表示瓦姆比爾已經離世(新聞連結:http://bit.ly/2rB4PCr)。呢個消息震驚全球,洪永城曾經去過北韓錄節目《在那遙遠的地方》介紹北韓人民嘅生活及風貌(新聞連結:http://bit.ly/2tLGR8m)!!洪永城得知22歲美國大學生瓦姆比爾離世嘅消息,今日喺facebook留言:「見到美國大學生俾北韓控告偷取政治標語,回美國後病逝嘅新聞,聽講佢係喺羊角島酒店偷咗一張金正恩肖像嘅海報,被判勞改15年,諗返起,只覺得自己好幸運。」佢回憶起兩年前去北韓:「當時我由中國新義州進入北韓平壤嘅時候,我犯咗個低級嘅錯誤,我帶咗本係香港買嘅北韓書,我唔記得擺低喺中國,老實講,有關於北韓嘅書都冇乜邊本係講好嘢㗎喇,最弊就係封面套咁啱係將金生嘅肖像接咗一半,佢一搵到嗰一刻,我成身喺度震,當地官員睇到即刻拉我入去一間房,問我本書講咩喎?「我梗係話唔知啦,睇都未睇過……但佢竟然搵到個識講普通話嘅女士唔知邊度攝出嚟,揭開本書喎,好彩本書唔係我寫,之後佢淨係要我簽悔過書,要我承認本書唔係我寫、唔贊成書入邊寫嘅嘢、無意威脅金正恩嘅政權等等……之後就俾我走,最後講咗句 "no worry enjoy your journey"。」洪永城又提醒想去北韓旅行嘅港人:「如果你哋下次去北韓,千祈千祈唔好帶北韓嘅書同埋唔該你delete晒電話入邊金正恩嘅圖片,祝你好運。」今日洪永城接受傳媒訪問,佢話:「我都係有感而發,見到呢單新聞,真係覺得自己好幸運,去旅行只要遵守當地嘅規矩,唔好唔尊重當地人定下嘅規條,唔好嘗試去踩界,去體驗、去感受,咁其實應該唔會有問題。」


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...