2017年6月19日 星期一

生仔後首蒲頭!昆凌低胸晒周杰倫合照 __,昆凌,周杰倫,

昆凌生仔後一直未有蒲頭,不過尋日父親節,佢終於出現喇!日前為老公周杰倫(周董)誕下第二胎、生咗囝囝嘅昆凌,喺消息傳出後一直未有現身,而佢喺尋日父親節終 ...


昆凌生仔後一直未有蒲頭,不過尋日父親節,佢終於出現喇!

日前為老公周杰倫(周董)誕下第二胎、生咗囝囝嘅昆凌,喺消息傳出後一直未有現身,而佢喺尋日父親節終於蒲頭!昆凌喺微博上載咗兩張合照,一張就係同爸爸影,不過仲見佢大緊肚,另一張就係同周董影嘅,呢張相仲影得好有Style,着上Deep V裙嘅昆凌坐咗喺地下,露出事業線非常性感,而周董就企喺老婆身後,不過昆凌就冇上載兩個小朋友嘅相,睇嚟呢兩張都可能係舊相嚟!

而佢就留言:「兩位Dabby 祝你們父親節快樂唷!」咦~究竟係「Dabby」定「Daddy」呢?有網民就為昆凌解畫,話因為兩個「Daddy」同兩個「Baby」,所以加埋係「Dabby」,不過係特登定打錯就得昆凌先知喇!

王力宏畀囡囡任騎

另外,另一個台灣天王王力宏就晒咗同囡囡玩嘅相,見佢零怨言心甘命抵畀囡囡牛牛!而王力宏老婆李靚蕾都晒咗老公陪囡囡上芭蕾舞班嘅相,留言:「女兒們最堅強的後盾…」見到照片中其他都係媽媽只係得王力宏係爸爸,畫面非常有趣,果然係甘四孝老竇呀!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...