醫生批准可以出發！
草蜢成員蔡一智早前為林敏驄的作品展綵排時發生塌台意外，以致整傷尾龍骨及肋骨移位，目前尚未痊愈，不過因草蜢有份角逐台灣一年一度「金曲獎」頒獎禮的「最佳演唱組合」，阿智決定負傷飛到台力撐，今日仲問准醫生可以上機出發！
阿智以一身全黑潮人造型現身機場，雖然未有多走動，不過見佢精神不俗，似乎已經走出腳傷陰霾：「醫生話得進步得好好，好番好多喇。問咗佢（醫生），佢話因為短途，所以畀我上機，可以去到台灣金曲獎。我準備咗一個好好嘅心情去睇呢個頒發典禮，因為我知道大會佢哋邀請咗好多出色嘅音樂人去做表演。」佢又透露已開始為十一月的演唱會開會做準備，大賣關子指內容會很精彩：「都準備得如火如荼㗎，排練方面我就會留守到最後先加入，等佢兩個（蔡一傑及蘇志威）排住先。」
來源 source: http://hk.on.cc
|
鍾意就快D Share啦！
|
|
|
