2017年6月30日 星期五

鄧兆尊孔雀開屏 當街攬女抄牌 __,鄧兆尊,兆尊,

又攬又抄牌,咩玩法。有「Johnny嗒」之稱的鄧兆尊到觀塘為奇妙電視拍攝節目《Learning男》,經戀愛導師劉奇諾指導後,兆尊與李尚正等人要在街頭問 ...


又攬又抄牌,咩玩法。

有「Johnny嗒」之稱的鄧兆尊到觀塘為奇妙電視拍攝節目《Learning男》,經戀愛導師劉奇諾指導後,兆尊與李尚正等人要在街頭問女士們「抄牌」攞電話,堂堂「Johnny嗒」現實中雖過着三女共侍一夫皇帝級生活,但親自落區抄牌,卻被後生女請食檸檬!

兆尊共向三位女士出擊「抄牌」,他先向平易近人中年女士埋手,「㩒你電話號碼畀我」,中年女士為了「皆大歡喜」乖乖聽從,一擊即中的兆尊興奮得舉V,變得心雄的他,接着向難度挑戰,選擇廿零歲後生女埋手,但即使兆尊誠意可嘉,追對方過馬路,但娘娘不給,就是不給,慘食檸檬的兆尊垂頭喪氣,之後再向另一妙齡女埋手,起初女方耍手擰頭,但最後還是經不起「Johnny嗒」的口力攻勢,加上打工仔女星期五放工個個不是歸心似箭,就是心已飛奔蘭桂坊,實在沒空跟你玩,最終讓兆尊成功得手,三盤兩勝,算保住Johnny嗒的面子。

兆尊訪問時謙稱不是「抄牌」能手,他自嘲說:「我點識追女仔,根本唔叻,飛女更加唔叻!(三位紅顏知己有冇話要嚟監場,禁你識女仔?)我話佢哋知呢個節目係全男班主持,其實呢個節目好神秘,我都係拍嗰日先知要做乜,尋日去玩水底瑜伽,今朝學魔術,曬到我兩條手臂紅晒。(紅顏知己有冇心痛?暫時冇得揼骨?)唔好掂到我添呀!(投入番演藝工作慣唔慣?)算唔錯,但呢個節目每集學四樣嘢,好似要拍八至十三集,都幾多嘢學,之後我會同阮兆祥北上參加搞笑節目。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...