2017年6月15日 星期四

冇劇拍要拍三級片搵食 詹秉熙人生低谷女兒腦積血 __,

冇劇拍要拍三級片搵食詹秉熙人生低谷 女兒腦積血娛樂要聞【《蘋果》專訪】現年56歲的詹秉熙曾經風光,一出道就任男主角和當時得令的張曼玉合演情侶。升得高跌 ...


冇劇拍要拍三級片搵食

詹秉熙人生低谷 女兒腦積血

娛樂要聞

【《蘋果》專訪】現年56歲的詹秉熙曾經風光,一出道就任男主角和當時得令的張曼玉合演情侶。升得高跌得快,一劇之後有傳得罪高層,被雪後無以為繼。試過因為沒錢,要接拍三級片。結婚養兒育女,打算平淡的開心過活,命運這位對手沒有放過他,在大女茜茵六個月大時,因為腦積血要十萬元做手術,沒工開、沒收入的詹秉熙話「嗰時直情想死」。大步檻過囡囡已經20歲,任職空中小姐可以報親恩。



現年56歲的詹秉熙走過低潮,現時會回內地工作或幫藝人轉介工作,工作穩定。攝影:沈健程

詹秉熙24歲一出無綫訓練班,跟張曼玉拍了電視劇《畫出彩虹》,擔正做男一,卻未能如劇名般星光璀璨。90年代已經娶妻生女,大女茜茵現時20歲,目前任職空姐,細女紫茵15歲,仍在求學階段,一家四口跟四狗住在上水一間村屋。



詹秉熙出道即以男一與曼玉拍劇,並幫官方刊物影封面。



在詹秉熙的三級片對手中,還有當時靠騎呢出位的李莉莉(前)。《蝦碌情聖》劇照



因為沒有錢詹秉熙接拍過多部三級電影,如《慾焰狂情》。劇照

認大脾氣

早前詹秉熙接受訪問,坦言個人成敗得失,取決於天,他說:「我講嘢好直,當時我做男主角,有人說三道四,又有啲人搵個腦嚟聽嘢,好在我唔理人點講,或者講嘢直,有嗰句講嗰句,自己得罪咗人都唔知。」性格決定命運,有碗話碗的性格,至今不變:「我算大脾氣,人哋唔啱,撞正我心情唔好就會爆,嗰時喺訓練班學咗三個月出嚟就話做主角,根本乜都唔識做番自己。我成日覺得做人嘅嘢,就算你點做都實有人話你唔啱,做番自己咪算囉。」

目前詹秉熙返內地登台之餘,亦開製作公司,為藝人接內地登台工作,一切都叫穩定。但回想90年代因為窮要接拍三級片,包括《現代情慾篇之換妻檔案》、《慾焰狂情》和《蝦碌情聖》。結婚生女後大女又遭逢生死關口,當時囡囡只有六個月大,有一晚見到囡囡不停抽筋,已經心知不妙,他說:「唔知係咪工人姐姐睇唔實跌親佢,總之嗰晚阿女係咁抽筋,我同老婆即刻抱佢去浸會醫院,第一次做老竇乜都唔識,開頭以為好少事,點知一照X光,發現有成支益力多咁大範圍嘅瘀血,壓住佢個腦,醫生話要即刻開腦放瘀血,唔救就冇,嗰時搵咗個東京大學嘅開腦教授嚟做手術,你都唔理得平定貴,都要做,最終我記得埋單係十幾萬。」



詹秉熙跟太太育有兩名囡囡,大女轉眼已經20歲。



詹秉熙一家四口(左起)大女茜茵、細女紫茵跟太太樂也融融。



除了一家四口外,詹秉熙還飼養了四犬。

女兒生性

屋漏兼逢夜雨,當時臨近農曆年,自己又沒工開沒收入,年關難過。當初選擇私家醫院,是沒有想到會那麼大件事,詹秉熙說:「去到醫院諗住睇症,點知要即刻做手術,仲點搬佢去其他醫院,唔通你仲排隊睇醫生等做手術,嗰時直情想死,係我想死呀!」大女最終手術成功,茜茵畢業後,現任職航空公司做地勤,詹秉熙笑言:「有時我會諗,佢當時唔知輸咗乜人嘅血,搞到個人癲癲得得。」他慶幸兩位女兒都沒有反叛期,大女外出都會跟父母交帶一聲,細女因為不捨得屋企四隻毛孩,所以一般都會宅在家。

採訪:王梓嫚

攝影:沈健程


鍾意就快D Share啦!
Related Posts Plugin for WordPress, Blogger...