2017年6月21日 星期三

被羅天宇拉落水 劉佩玥即閂閘嗌咪搞 __,羅天宇,劉佩玥,

劉佩玥仲拉埋好姊妹陳瀅落水呀!藝人羅天宇及劉佩玥等,於觀塘出席無綫節目《建造業議會呈獻:築.動.愛》外景探班。當中與湯洛雯傳緋聞的羅天宇,被問到日前女 ...


劉佩玥仲拉埋好姊妹陳瀅落水呀!

藝人羅天宇及劉佩玥等,於觀塘出席無綫節目《建造業議會呈獻:築.動.愛》外景探班。當中與湯洛雯傳緋聞的羅天宇,被問到日前女方出活動時表示有了解中對象,更不排除閃婚,甚至被同場黎諾懿踢爆對象可能姓羅,暗指羅天宇?天宇笑指黎諾懿「亂噏」,問他已向緋聞女友湯洛雯求婚了嗎?他即怕醜否認:「梗係唔係(了解中?)了解咗好耐啦,佢一路唔畀我了解。(今次人哋開綠燈?)佢點講?我收到嘅意思唔係咁。(拖過手仔?)冇呀。我諗諾懿都是想幫吓手。(幫你手追湯洛雯?)佢好難追。」

轉移目標

之後,天宇又扯開話題,想拉旁邊劉佩玥落水:「我都差不多轉目標,放棄。Moon都幾好呀,又單身。」Moon聞言高呼:「你唔好拉我落水!」但她透露與天宇會於新劇合作。問到天宇會否擔心與Moon日久生情?Moon就拉好友陳瀅落水:「咁對象一定唔係我,因為佢劇中對手係陳瀅。(你想撮合佢哋?)我諗住迴避,咪拉佢落水。」

讚湯洛雯supportive

問天宇覺得湯洛雯、劉佩玥及陳瀅邊個最好?他稱唔識答。問他幾時開始追求湯洛雯?天宇透露拍攝劇集《愛·回家》時首次認識對方,害羞盛讚湯洛雯:「拍劇識。(鍾意佢咩?)她好supportive,當時我們係新人,應付重要場口時會鼓勵對方,我記性唔好,NG時佢會叫我加油。」

問到天宇與女方之間尚欠甚麼?天宇直言要等事業有成:「我都唔知我差啲咩。(約過會?)有食過飯。(表白咗?)冇咁白,等事業有成先。(屋企人催你結婚?)催我事業有成。」

同場Moon講到今日於工地拍攝,大讚從事地盤的異性夠Man:「肯用勞力同心機做嘢嘅男仔有上進心,有工作熱誠已經好吸引。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...