網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年6月14日 星期三

【又喊過】有失婚伴照顧 《關你家事》黃宇詩男友前妻 落淚道歉 __,黃宇詩,

大台節目《關你家事》,顧名思義,將人哋啲家事擺上枱,再畀啲現場觀眾、專家,甚至主持人嚟「參與」畀意見,但正所謂「清官難審家庭事」,美其名係想點出時下家 ...


大台節目《關你家事》,顧名思義,將人哋啲家事擺上枱,再畀啲現場觀眾、專家,甚至主持人嚟「參與」畀意見,但正所謂「清官難審家庭事」,美其名係想點出時下家庭欠缺溝通,造成不和嘅情況,但實質係成棚陌生人一齊嚟「搞和諧」,難怪節目截至9號下晝5點,通訊局已經收到共16宗投訴。(新聞連結: http://bit.ly/2tcwFWa )前晚嗰集搵嚟Cady——即係黃宇詩個男友彭慶餘(Peter)個前妻,上節目講第三者呢個話題,Cady前晚講到聲淚俱下咁,話自己發現老公有第三者,有嘗試去溝通,仲話最擔心婚變會影響到自己3個仔女,又遇着啲仔女反叛期,唔知點處理。到咗噚晚,Cady喺節目坦言當初有諗過報復,但最後冇做到,而節目預告講Cady想點樣修補同仔女之間嘅關係,但播出時,Cady冇太實質提到佢打算點樣修補同仔之間嘅關係嘅方法,反而係被讚o依家佢向前看,有個同佢同樣離過婚嘅男友,大家差唔多經歷,再有班專家教講面對婚變嘅情緒處理,就係唔好對啲仔女數前夫/前妻嘅不是。Cady再分享咗遇上婚變,應該要處理咗自己嘅情緒先。然後,到咗「最緊要」嘅谷淚時間,主持人問Cady知唔知個大女想點,然後話原來佢大女最想Cady同前夫可以和平、平心靜氣坐低傾,唔好一見面就嗌交,同埋無論Cady點勞氣都好,都唔好講啲傷害小朋友嘅說話,仲話做父母嘅可能講咗啲傷害仔女嘅說話,講嗰個冇心記住,聽嗰個記入心,就係咁,父母同子女之間就開始溝通唔到。到節目尾,Cady眼濕濕咁話好少父母會同仔女道歉,end up佢就流住兩行眼淚咁望住鏡頭、誠心向個女道歉。

(電視截圖) Cady話o依家有男友,對方同樣離過婚,有小朋友,同佢經歷差唔多。(電視截圖) (電視截圖)
一講到個月,Cady啲眼淚就嚟料……(電視截圖) (電視截圖) 仲公開同個女道歉(電視截圖)
(電視截圖) (電視截圖) Peter、黃宇詩(資料圖片)

來源 source: http://s.nextmedia.com
鍾意就快D Share啦!