2017年6月7日 星期三

吳浩康開騷冧爆感謝女友支持 __,浩康,吳浩康,

吳浩康開騷公然喺台上面冧女友!歌手吳浩康(Deep)舉行音樂會,美國華埠小姐兼女友李昭南(Michelle)、好友小肥及父親都有前來捧場支持,阿Dee ...


吳浩康開騷公然喺台上面冧女友!

歌手吳浩康(Deep)舉行音樂會,美國華埠小姐兼女友李昭南(Michelle)、好友小肥及父親都有前來捧場支持,阿Deep現場除了演繹自己的作品之外,更特別選唱了四大天王的歌曲。最搞笑是唱開冧歌的阿Deep於台上稱當年是立志要做跳唱歌手,但沒想到做歌手後大家只習慣聽他唱情歌。他又提到下周二(6月13號)是他的生辰,當晚都會網上做一場特別版Live演唱慶生。而阿Deep亦好識做,演唱時都有多謝台下的女友,表示在過去多個星期在網上演唱時,女友都不時跑來陪他演唱。阿Deep又感謝現場觀眾來撐場:「今晚我講每句說話都係多謝你哋,大家可能覺得係一個好普通嘅騷,但對我嚟講係四個字『得來不易』,喺大家一點一滴爭取番嚟。」

望開更大型嘅騷

另外,阿Deep又表示:「之前自己每逢星期一就會喺網上做live唱歌,只是用一個電話求其分享,覺得既然唱就順便分享吓,點知一做就做咗22個星期。(你女友不時都有一齊唱?)都係呀,佢都好忙。自己就真係冇諗到演變成今晚搞個現場版,用音樂會準備咗14首歌演唱,今次有呢個音樂會,係一步一步行過嚟。」而阿Deep稱這個網上「星期一約會」會繼續做下去,預計都會Keep住去到年底。問到到時再搞現場版時,可會選擇更大場地?阿Deep坦言:「有咁嘅眉目,希望可以盡快落實。」問到開演唱會是否當日和英皇續約的條件之一?阿Deep謂:「唔關事,反而係上年做完個ViuTV嘅真人騷唱歌節目後 ,公司覺得同我仲有合作嘅空間。」

唔介意孖女友同一公司

另外,講到女友Michelle都是唱得之人,問到可會做女友經理人幫她闖樂壇?阿Deep笑言:「做經理人就唔得。(一係你拉紅線,幫佢入英皇?)係喎,都可以試吓。」阿Deep又表示不拒抗與女友同一間公司,笑言要幫女友搵住好人家。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...