掃呢頁CODE去手機

2017年6月27日 星期二

娛刺撈飯:牙醫定牙煙?許廷鏗計錯數借「根」攣變直 __,廷鏗,許廷鏗,

許廷鏗識計數呀!「00後」轉晒聽「Kamsamida...FantasticBaby!」你話韓風勁,我Nuts哥就話香港啲劇集歌「洗腦」威力咪仲勁,日 ...


許廷鏗識計數呀!

「00後」轉晒聽「Kam sa mi da...Fantastic Baby!」你話韓風勁,我Nuts哥就話香港啲劇集歌「洗腦」威力咪仲勁,日播夜播下植入腦袋,亦成功造就咗一啲歌手上位,許廷鏗(Alfred)就係最佳例子。不過,唱紅咗個人,亦唱雄埋個「心」,近日得知佢轉咗新公司,佢棄星夢跳去華納升呢做「一哥」,「一哥」個名聽就梗係巴閉,不過,風光背後,許廷鏗就差啲兩頭唔到岸搞出大頭佛,幾乎要繼承祖業專心去做牙醫。

啱啱識行玩跨欄

無疑擁有靚仔外形又係專業人士嘅許廷鏗,一出道就被無綫旗下的星夢(前名叫星煥)力捧,佢同依家忙住湊女嘅吳若希,可以話近乎包攬無綫劇集嘅主題曲及片尾曲嚟唱,堪稱劇集歌王歌后。首首劇集歌三歲到八十歲大媽都識唱,當然人紅就發現有好多選擇擺喺眼前,呢名「牙醫仔」就恃住「人紅歌掂」仲有大把粉絲做後援,以為「許廷鏗」三個字已煉成金漆招牌,打響如意算盤,捨棄一手湊大佢嘅星夢,轉投華納做「一哥」,中國人最忌係「食碗面、反碗底」,一句「唔識飲水思源」真係幾棹忌。

不過,呢個「一哥」並唔係許廷鏗心諗咁易做,以為回復自由身後必定大把唱片公司向佢招手,竟心雄到想自設工作室話晒事,唱片簽畀華納做發行,但搵真錢嘅經理人合約就冇華納份,錢就想自己袋晒,呢個如意算盤又點會打得響,唔係睇低許廷鏗,但你估你係歌神張學友同陳奕迅嘅級數咩?啱啱學識行就以為叻到可以跑110米跨欄,要知道欄王劉翔都有撞欄跌倒時候,玩吊高嚟賣,點知變吊頸自閹,笑死街坊。「放盤」幾個月都無人問津,連華納都畀佢嚇到「龜縮」,好哋哋「揸咪」搞到要着番件牙醫袍,去揸鉗剝牙,幫人洗牙洗咗幾個月,都知道鑊粥煲大咗,柴都燒到「奄奄一息」,呢鋪真係驚到牙關打震,唔想做「無主歌手」,惟有死死氣向華納跪低,先順利登基做「許一哥」。

諗計博無綫「放生」

所以,許廷鏗能圓「一哥夢」全靠攣都拗番直及時轉「基」,即係將夢想「基地」放下,仲唔「跪住去」將經理人合約同唱片約雙手奉上華納咩!有錢大家搵,否則貪字得個貧。Nuts哥覺得好彩佢係讀牙醫唔係做會計師或財爺,佢數口亂晒龍,真係分分鐘被人「燒數簿」㗎!當然Nuts哥亦好欣賞佢嘅膽識,喺大台做咗七年「溫室歌王」,誓死跳出井底, 想引證自己實力唔唱劇集歌係咪摺得埋,事關離開無綫就「預咗要受」,許廷鏗都諗盡計仔,借華納頭炮歌《根》嚟請罪求饒,話靈感來自「巨聲幫」,似乎想憑歌嚟歌頌舊公司對佢嘅栽培,博無綫「放生」,呢劑想重施故技「攣變直」,可惜想夾硬直番?邊有咁易。


來源 source: http://hk.on.cc
鍾意就快D Share啦!