掃呢頁CODE去手機

2017年6月16日 星期五

寶貝女送按摩椅孝敬方中信冧晒! __,方中信,

方中信試坐按摩椅,睇佢個樣應該相當享受!
寶貝女送按摩椅孝敬方中信冧晒!藝人方中信向來疼錫女兒符迦晴,父女關係超級好!父親節將至,乖巧的迦晴為逗爸爸開心,決定耗盡儲足九年的利是錢,買一張按摩椅 ...


寶貝女送按摩椅孝敬方中信冧晒!

藝人方中信向來疼錫女兒符迦晴,父女關係超級好!父親節將至,乖巧的迦晴為逗爸爸開心,決定耗盡儲足九年的利是錢,買一張按摩椅送給父親表孝心!太太莫可欣得知女兒的心意大為感動,決定補貼包底,妻女如此有心,難怪方中信笑說:「冧晒」

近年工作多籮籮的方中信(Alex),雖然曾與合作多年的鐘錶廣告商有所誤會,但最後和氣收場,廣告商還力邀續任代言人,圈中如此有型又有實力,可謂長做長有!雖然工作超級忙碌,但Alex不忘陪伴老婆莫可欣,昨日便被發現與老婆去尖沙咀Shopping,期間到一間售買按摩椅的店舖閒逛。「暖男」方中信先讓老婆莫可欣試坐,他則在旁向店員了解產品詳情,之後再到另一邊試坐另一張,最後爽快地扑槌!選購心頭好後,Chok足全程的方中信繼續雙手插袋堅係型,而莫可欣則翹實老公恩愛離開。

莫可欣「包底」

事後,記者致電莫可欣了解,原來是她幫9歲女兒迦晴買禮物送給父親方中信,她說:「迦晴見到爸爸工作咁辛苦,所以之前同我講話想用佢儲咗九年嘅利是,買張按摩椅畀爸爸做父親節禮物!佢仲好細心揀咗一張叫『白馬王子』系列嘅按摩椅畀爸爸,不過佢放學仲有啲課外活動,所以叫我幫佢買。」莫可欣得知女兒有此心意,坦言十分安慰,但不忍女兒耗盡九年利是錢買禮物,故「象徵式」收女兒數百元,餘數由她包底!如此「母」慈「女」孝,Alex梗係甜在心頭!

莫可欣受女兒所託,帶方中信買父親節禮物!
  • 莫可欣受女兒所託,帶方中信買父親節禮物!
方中信先讓老婆莫可欣試坐,自己就向店員了解詳情。
  • 方中信先讓老婆莫可欣試坐,自己就向店員了解詳情。
揀到心頭好,莫可欣翹實方中信開心離開。
  • 揀到心頭好,莫可欣翹實方中信開心離開。

放工攬囡最窩心

記者致電Alex,對於女兒這份心意,他當然冧到爆,但為保持形象只搞笑地說:「我都知頭先有人影我!禮物呢……都係『羊毛出自羊身上』因為佢啲利是錢已經做咗基金,郁唔到!不過我都想坐吓按摩椅嘅!(禮物好啱心水啦?)哈哈……張椅原本想放喺新屋嘅,但老婆話都係放番喺舊屋,因為個女喺舊居嗰頭返學,都係喺嗰度多啲。(咁錫個囡?)冧晒我無欲無求!(父親節點慶祝?)同埋啲做咗爸爸嘅朋友食飯,幾家人咁一齊食。(同太太少機會拍拖行街?)都唔係嘅,成日出去一齊食飯。」除了以利是錢送禮物外,問到覺得女兒做甚麼令他最窩心?Alex說:「做完嘢返屋企,佢會跑埋嚟攬我,我諗好多爸爸都係咁!」

文:影視組


鍾意就快D Share啦!