2017年6月12日 星期一

踩尾場搞好氣氛 鄭中基避過冧台寸林敏驄 __,中基,林敏驄,鄭中基,

踩尾場搞好氣氛鄭中基避過冧台寸林敏驄娛樂名人林敏驄的作品展演唱會前晚假紅館舉行尾場,由於首場綵排發生冧台意外,草蜢成員蔡一智和舞蹈員受傷,蔡一傑前晚獨 ...


踩尾場搞好氣氛

鄭中基避過冧台寸林敏驄

娛樂名人

林敏驄的作品展演唱會前晚假紅館舉行尾場,由於首場綵排發生冧台意外,草蜢成員蔡一智和舞蹈員受傷,蔡一傑前晚獨自再撐場,穿Dolce & Gabbana桃紅色絲絨戰衣演繹《愛的根源》後,林敏驄上台跟他擁抱問候,傑仔說:「阿智整親尾龍骨同埋肋骨移位,冇事。」林敏驄眼濕濕道歉,激動嗚咽﹕「個個嚟捧起我,𠵱家嚟出醜!」



嘉賓鄭中基(右)前晚幫手搞氣氛,笑言要跟林敏驄組「林鄭」搞talk騷。

搞林鄭Talk騷

傑仔離開紅館時說:「仲有兩位dancers留醫,林敏驄覺得唔好意思,我有安慰叫佢唔好咁。阿智尾龍骨有少少裂,肋骨少少移位,用中西合璧治療。」

張衞健出場時為林敏驄搞氣氛,指着圓台中央方向說:「好似嗰度唔行得㗎喎,you jump I jump啦呢鑊嘢。」之後兩人行去台邊邊位,三步就回頭。鄭中基現身時就爆笑說:「好彩噚日冇我,唔係一定賴我。」又和林敏驄笑言要組班搞「林鄭」talk騷,又說要換了鹿鼎記,因有「6」字和「鼎」字,全場大笑。



關淑怡前晚換了鬆身裙,成功遮掩腩肉。



蔡一傑(左)指蔡一智傷了尾龍骨和肋骨,林敏驄即哽咽道歉。



杜麗莎前晚演繹《假如》時唱到喊。

帶苟姑娘體檢

杜麗莎演繹《假如》時唱到喊,關淑怡就換了鬆身裙遮腩,林敏驄抵死地說:「咁快可以修咗個肚,冇事嘛?」苟芸慧出場時獲男友陸漢洋獻花,林敏驄笑問:「你係咪脫離處女黨呀?我諗住開部新戲叫《鐵金剛大破處女黨》,諗住幫你開光。」苟姑娘問他是否想求婚?林敏驄鬼馬地答:「我帶你去後台做個體檢先。」

完騷後林敏驄被問到冧台是否美中不足?他說:「反而令大家更團結,自己真係好心痛,個個為撐我搞到咁。講真阿智有乜事我點賠?如果噚日早啲嘅話,咁啱就係我同古巨基綵排,仲要喺圓台上升高8呎,我哋一人企一邊,當時已經覺得有少少搖。」身為投資者的黎瑞恩說:「既然咁大件事都遇過,以後再遇困難都一定過到。」

採訪:盧妹、曹家誠

攝影:仇志德



林敏驄的尾場騷順利完成,他都鬆一口氣鼓掌慶祝。


鍾意就快D Share啦!
Related Posts Plugin for WordPress, Blogger...