2017年6月20日 星期二

萬梓良用真.牛肉刀剃頭 __,萬梓良,

用真.牛肉刀剃頭玩到咁大?藝人萬梓良(萬子)與吳家麗在新片《今晚打喪屍》中再次合作,延續80年代在無綫劇《薛仁貴征東》、《流氓大亨》合作無間的純熟默契 ...


用真.牛肉刀剃頭玩到咁大?

藝人萬梓良(萬子)與吳家麗在新片《今晚打喪屍》中再次合作,延續80年代在無綫劇《薛仁貴征東》、《流氓大亨》合作無間的純熟默契。此片參加了不少國際影展,外國觀眾對兩人的演出都讚不絕口,其中一場戲:萬梓良拿着牛肉刀剃頭,吳家麗則在旁邊嚎哭戲,他們更以「amazing」來形容!

「古惑仔要用牛肉刀」

而該場戲拍攝前,導演Alan與萬梓良先開會商討細節,萬梓良提出用真牛肉刀上陣,令導演大讚超級專業:「我哋提議改用剪刀,但萬子哥堅持古惑仔一定要用牛肉刀,不過開封牛肉刀太鋒利,我哋唔可以要演員冒險。」最後他們決定用未開封牛肉刀加剪接效果,加上萬梓良肉緊表情與中氣十足的對白,效果非常理想。

吳家麗控制唔到情緒

至於萬子哥的對手吳家麗,也交足戲,拍這場戲時,同樣演技爆發,她更跪地哭崩差不多15分鐘,要由萬梓良安慰吳家麗,才能平靜緊張氣氛。吳家麗亦難忘這場爆喊戲,她說:「嗰場戲講我喊到收唔到聲,雖然場戲導演嗌咗cut,但我啲戲未完,啲情緒停唔到,冇得一嗌cut就閘住自己,萬子喺隔籬見到,好擔心我,做演員咁樣係好危險,但後尾我啲情緒紓緩番就冇事。同萬子好耐冇合作,我最鍾意佢演小人物,好細膩,今次佢就係演小人物,今次同萬子啲戲『鍊』得好緊要,我哋唔可以輸畀年輕嘅張繼聰同白只!」

4年冇拍過戲

快將60歲的萬梓良近年因受糖尿病困擾,所以一直推卻多個劇本,已經有4年沒拍電影,萬子接受訪問時說:「接呢套戲我有好多考慮,擔心身體應唔應付到等。我今年60歲,2015年嗰陣食咗9個月中藥,令糖尿病情好轉,而呢套戲係全靠導演、老闆同我之間嘅共同朋友幫手連繫,加上搵埋吳家麗,先打動到我!(會拍多啲港產片?)好開心今次我健康應付到,我講明每日唔可以拍多過十個鐘,但唔係每套戲都可以配合!今次好感慨,我發現依家啲幕後手足只得一個係舊相識!另外,唔慣拍完戲要做咁密集嘅訪問!不過,今次同家麗合作好開心,佢有場戲拍到虛脫咁濟!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...