2017年6月8日 星期四

【真係蘭花刼】傳與唐寧先後戀鄧偉傑 蘇玉華受情騙 上男家盡情破壞 __,鄧偉傑,唐寧,蘇玉華,

《蘭花刼》戲入面嘅兩姊妹,原來現實生活入面,同樣戀過鄧偉傑。(新增影片)唐寧與舞台劇才子鄧偉傑宣佈離婚,有傳是女方另結新歡,有周刊一早收到風,於是向鄧 ...


(新增影片)唐寧與舞台劇才子鄧偉傑宣佈離婚,有傳是女方另結新歡,有周刊一早收到風,於是向鄧偉傑求證。鄧偉傑未有否認分居﹐只著傳媒問番唐寧本人。當時唐寧仍未發表離婚消息。事有湊巧,唐寧選在周刊出版之前漏夜宣佈離婚,難免令人聯想到是否「自我引爆」圖拆彈。一切似是來得相當巧合,但更巧合是,無綫現正播映的劇集《蘭花刼》,唐寧與蘇玉華飾演親姊妹(大家姐係田蕊妮),據知兩人現實中,原來也曾分別戀上同一個男人———鄧偉傑。據知,鄧偉傑就是蘇玉華的初戀情人。九十年代,他們曾經深愛過,而那一次,亦令蘇玉華痛得極深。但蘇玉華從未開名講初戀是誰,亦鮮有提及這段痛史。蘇玉華曾表示只拍過兩次拖,除了初戀,就是與潘燦良一段情。蘇玉華多年前曾於訪問中憶述初戀,她稱當時曾經深愛一個男人,甚至將所有希望都寄托在其身上,拍拖5年,男方卻提出分手,蘇玉華最後查出真相——因為男方有第三者。蘇玉華當年於訪問中稱,當日這位初戀男友提出要分手時,她曾苦苦哀求,希望對方改變決定,但對方堅持要分開,仲敷衍佢,話需要冷靜期,又稱將來或有復合機會。蘇玉華痛苦不已,暴瘦十幾磅。分手後,蘇玉華竟然做咗一件奇怪嘅事,就係搬去男友屋企樓上嗰層,死心不息想要接近佢。當時,蘇玉華真係一心以為可以復合,但同時心裡面一早有把聲音同自己講:可能對方有第三者。但蘇玉華選擇逃避,選擇不信自己的直覺。之後蘇玉華做了另一件傻事,就係跟蹤對方,又check吓對方call台睇吓邊個搵佢。要記住,o依家講緊嘅係上世紀九十年代。蘇玉華憶述謂,當時自己仲試過打神秘電話畀佢…回想都覺得自己反常。直至有一日,蘇玉華證實這位初戀男友有第三者,而且,在兩人分手之前,男方仲做過好多對佢唔住嘅事。蘇玉華說,今次唔可以唔醒了。蘇玉華說,佢可以接受男方搵到一個更好嘅,即使分手會痛,但至少可以令佢死心。蘇玉華不忿的是,男方講大話,不忠,分手後又畀佢一個假希望,以為復合有望。所以蘇玉華做了一件事——拎住對方屋企門匙,入內盡情破壞,然後在枱上留下「不拖不欠,各走各路」八字,並交還門匙。有指蘇玉華呢件事,九十年代,在演藝學院已是公開的秘密。有指蘇玉華同這位初戀情人陷入膠着狀態時,二人在演藝學院的恩師鍾景輝,曾做和事佬,希望可以平息干戈,在風頭火勢之際,更推薦男方到法國留學深造,暫時避一避,最終二人感情亦告一段落。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...