2017年6月17日 星期六

紅雨取消航班!丁子高機場白等十個鐘 __,丁子高,

遇到呢個情況真係乜都做唔到,慘!呢個星期啲天氣好唔穩定,打完風又不停落大兩,返工返學嘅辛苦,要搭飛機去外地做嘢就更加辛苦,好似丁子高咁,喺機場呆等十個 ...


遇到呢個情況真係乜都做唔到,慘!

呢個星期啲天氣好唔穩定,打完風又不停落大兩,返工返學嘅辛苦,要搭飛機去外地做嘢就更加辛苦,好似丁子高咁,喺機場呆等十個鐘,最後竟然班機要取消,真係慘慘豬!

話說丁子高尋日喺澳門做完嘢,即刻趕返香港搭飛機去上海預備聽日嘅工作,四點就入到機場搭七點機諗住都好安全,點知等吓又一個鐘等吓又一個,丁子高喺社交網自娛留言話等到鬚根都出晒都仲未起飛。去到差唔多凌晨兩點,機長通知話因紅雨關係班機要取消,十個鐘頭嘅時間咁就化做一場夢。丁子高接受電話訪問表示:「好彩有同事已經喺上海,朝早個活動都有人頂住,不過夜晚都有活動,所以今日都要趕去上海,(依家返屋企瞓?)唔會喺附近搵間酒店休息一陣,朝早盡快搵飛機去上海。」除咗丁子高白等十個鐘之外,坐埋同一班機,要去內地做電影宣傳嘅周柏豪同衛詩雅都遇到同一命運,丁子高大嘆今次真係同是天涯淪落人。

之後到17日早上七時許,周柏豪就喺微博表示自己喺香港機場延誤咗五小時後終於登機,不過喺機上等多兩小時後機長就公布取消航班,輾轉到最後佢又訂唔到機場酒店,要喺機場沖涼同瞓覺,仲食足四餐,今次真係有苦自己知喇……

而隔咗大約兩個鐘約早上九時,衛詩雅喺Instagram就話終於起飛:「17個小時後⋯⋯終於⋯⋯起飛了⋯⋯」今次真係天荒地老流連在機場~


來源 source: http://hk.on.cc
鍾意就快D Share啦!
Related Posts Plugin for WordPress, Blogger...