2017年6月7日 星期三

搞搞震梁浸浸!鄭希怡將囡囡當啞鈴嗌重 __,梁浸浸,鄭希怡,

梁浸浸依家會走嚟走去,好搞笑呀!日日運動唔只身體好,身體線條仲會變到好靚添,難怪啲女藝人一有時間就做健身啦,好似鄭希怡(Yumiko)同宋熙年咁,佢兩 ...


梁浸浸依家會走嚟走去,好搞笑呀!

日日運動唔只身體好,身體線條仲會變到好靚添,難怪啲女藝人一有時間就做健身啦,好似鄭希怡(Yumiko)同宋熙年咁,佢兩個簡直fit到漏,最難得嘅係,佢哋做運動嘅時候,身邊都有一位重要嘅人陪住,Yumiko有囡囡梁浸浸陪,宋熙年就有老公仔陳智燊陪,不過呢兩位「陪做」嘅朋友仔,就似乎似搗蛋多啲喎!

話說Yumiko喺健身室做運動,正當佢全力以赴之際,一個小小嘅身影突然由鏡頭右邊衝過,呢個身影咪就係梁浸浸囉,佢呢個舉動搞到媽咪企喺度大笑,以為梁浸浸淨係亂入一次?咁就錯啦,之後佢再相反方向衝多次入鏡,網民仲留言話要數吓佢究竟最終亂入幾多次?答案係四次!

最後嗰次亂入Yumiko忍唔住抱起囡囡,將佢當啞鈴咁舉重,梁浸浸亦相當配合,Yumiko都有留言話:「開始騷擾我做運動啦 #和我一齊做運動 #由細培養 #健康人生 #呢個啞鈴都幾重 #點解妳咁有活力」,網民都話呢對母女好搞笑!

除咗兩母女做運動嘅場面夠溫馨夠搞笑之外,宋熙年同陳智燊兩公婆做運動一樣咁搞笑㗎,佢兩公婆喺健身室一齊做運動,原本舉緊重嘅陳智燊做咗幾吓,可能覺得好攰,用手印一印額頭啲汗就行開咗,相反宋熙年就keep住未停過,不停拎住個波左郁右郁,搞到網民都叫陳智燊唔好偷懶,要跟番老婆個節奏呀!

網民有話兒:

hoixxen601:佢唯一唔騷擾你應該係你幫佢做緊勞作嘅時候

cixxy_lee_cxxdy:好勁,抱起個女黎(嚟)做都得

yulxxlm:浸浸爆可愛呀

welxxelivy555:Sarah u r so slim. Love u

ilovexxpcakes2:Haha u two are sweet


來源 source: http://hk.on.cc
鍾意就快D Share啦!
Related Posts Plugin for WordPress, Blogger...