岑麗香、陳凱琳、莊思敏等今日齊到銅鑼灣出席一內衣品牌嘅開幕酒會。岑麗香接受訪問時話稍後要到葡萄牙拍外景，所以引嚟唔少人嘅「葡萄」，佢仲話自己o依家廣東話有進步。早前好姊妹王君馨喺紐約舉行婚禮（新聞連貼： http://bit.ly/2sW4n2T ），香香原本都打算出席，可惜最後因工作而臨時缺席，佢話：「原本做晒衫準備過去，忽然有工作所以去唔到。下個月佢喺香港嘅婚禮一定會做姊妹，預咗做阿四。」對於有傳佢大肚，香香肯肯定咁否認：「有人問過我，係因為工作去唔到。」問佢到時會唔會獻唱？佢就話到時先算，鍾嘉欣嗰一次係因為有幾位姊妹一起唱，先有咁大勇氣。至於一班處女黨先後成婚，會否鬥快生小朋友？佢話：「順其自然啦，可以計劃下拋花球畀未結婚嘅苟芸慧，可以商量吓。」另外，莊思敏接受訪問時話聽日會飛到馬來西亞同爸爸慶祝父親節，後日回港。因為廚藝不佳，所以封5位數利是俾爹哋就算。
| 香香話夾計要苟姑娘接花球。（攝影：仇志德/左圖：資料圖片） | | |
| | | |
來源 source: http://s.nextmedia.com
|
鍾意就快D Share啦！
|
|
|
