2017年6月6日 星期二

率師妹做狗奴 周柏豪出錢出力一腳踢 __,柏豪,周柏豪,

周柏豪發起齊齊做狗義工。歌手周柏豪(Pakho)周不時和歌迷聚會,但有感每次都飲飲食食、唱歌及簽名太沒意義,故昨日(6月4日)由他發起齊齊做狗義工,他 ...


周柏豪發起齊齊做狗義工。

歌手周柏豪(Pakho)周不時和歌迷聚會,但有感每次都飲飲食食、唱歌及簽名太沒意義,故昨日(6月4日)由他發起齊齊做狗義工,他更帶父母同行作家庭樂,還有歌迷、公司同事、朋友及三位同經理人公司的師妹連詩雅(Shiga)、模特兒黎紀君(Christy)及梁諾妍(Inez)一行20多人,到大樹下動物善待庇護站照顧逾百隻被遺棄的狗隻。

掏腰包租小巴

Pakho出力外還出錢,為免歌迷辛苦,掏腰包租小巴接載,又自備大批雞柳、烚蛋及物資贈小狗及義工,還請了攝影師為狗隻影靚相,等狗狗過模特兒癮。雖然露天狗場氣溫高達攝氏32度,身穿背心、露麒麟臂的Pakho也熱得大汗疊細汗,但他仍樂在其中,掃完狗籠又炮製大餐給狗狗食。

Shiga及Christy不怕濕水濕腳,並卸下女神光環化身「寵物美容師」,為50多隻小狗逐一沖涼及梳毛。Inez做「狗公關」氹狗開心,見她整個人坐入狗籠餵食,狗狗由「驚驚」變到向她投懷送抱,Inez的笑容比狗狗更開心。

自言兌現了十年前承諾的Pakho說:「一直想同歌迷放低電話,幫助有需要幫助嘅人同動物,希望借助藝人少少嘅影響力,令更多人參與義工,今日只係一個開始。」他更以已過身的愛貓「小白」名義籌集善款。

呼籲大家愛護小動物

Shiga自言享受為狗狗沖涼、梳毛及餵食:「有啲狗狗係被遺棄或被虐待過,初時有啲驚我哋,但畀啲耐心同溫暖,狗狗就慢慢放鬆畀抱同摸。」她又呼籲大家愛護小動物,不要買寵物改為領養。首次當狗義工的Christy最難忘同一隻叫靚B的狗狗沖涼,雖她險整親狗狗的耳仔,但狗狗相當溫馴,沒有咬她作「抗議」。Inez則說最感動是:「有隻得幾個月大嘅狗,初時一見我就彈開,但我又摸又餵佢食嘢,佢竟然畀我抱。」她又謂有幫狗狗沖涼及解身上的毛死結,見狗狗香噴噴又靚靚,滿足感爆燈。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...