2017年6月7日 星期三

【獨家】拍拖蜜遊新加坡 郭嘉文樹熊抱李澤楷勁恩愛 __,李澤楷,郭嘉文,

被視為「鑽石級富豪王老五」嘅李澤楷同前港姐郭嘉文打得火熱,繼4月李澤楷駕駛保時捷戰車喺中環接載緋聞女友,喺5月14日佢哋又被影到現身灣仔再去香港木球會 ...


被視為「鑽石級富豪王老五」嘅李澤楷同前港姐郭嘉文打得火熱,繼4月李澤楷駕駛保時捷戰車喺中環接載緋聞女友,喺5月14日佢哋又被影到現身灣仔再去香港木球會,其間兩人摸面拖手冧到爆,事隔16日,原來端午節當天佢哋蜜遊新加坡,兩人好似脆麻花咁攬住行,郭嘉文更樹熊上身箍實李澤楷,全程被住喺當地嘅華僑讀者千小姐透過《蘋果》「爆相爆片」分享。千小姐接受電話訪問表示:「嗰日大約傍晚6點幾,我喺China Town嘅Park Royal酒店出面,見到李澤楷同郭嘉文攬住行,當時佢哋身邊都冇保鑣,初時冇為意佢係李澤楷,因為冇戴帽又冇戴黑超,不過佢哋好似行錯路,當佢哋行返轉頭時,就清楚認到係李澤楷同郭嘉文,佢哋有講有笑好開心,之後郭嘉文見到我影相,佢就刻意扮玩手機,反而李澤楷好似冇留意到。」從千小姐提供相片所見,郭嘉文着粉紅衫襯牛仔短裙騷腿,李澤楷就着白色polo裇襯牛仔褲,雖然兩人年紀相差26年,但打扮好鬼合襯,李澤楷搭住緋聞女友香肩浪漫街頭,走到馬路邊停低等候時,郭嘉文更變身樹熊撒嬌,用雙手箍實李澤楷投懷送抱,整個人挨喺佢身上,sweet到爆!李澤楷同郭嘉文喺短短2個月之內,已經三次被「野生捕獲」拍拖行蹤,記者聯絡李澤楷問到係時候公開戀情嗎?佢以短訊回覆:「Sorry!Only business related questions please.」問到今次到新加坡係咪公幹?李澤楷表示:「Sorry Ye Still at a business lunch.」完全避答感情問題。

(圖片由讀者千小姐提供) 郭嘉文同李澤楷被爆拍拖後,不時被影到,今次佢哋就一齊現身新加坡(圖片由讀者千小姐提供) 李澤楷攬到郭嘉文膊頭實一實(圖片由讀者千小姐提供)
而郭嘉文就樹熊抱李澤楷(圖片由讀者千小姐提供) 郭嘉文喺ig update近照,咁啱又係呢套衫 郭嘉文同李澤楷不時被捕獲

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...