網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年6月1日 星期四

專撻拍檔轉口味 蔣家旻老闆仔新歡陪逛商場 __,蔣家旻,

專撻拍檔轉口味蔣家旻老闆仔新歡陪逛商場娛樂要聞【爆相爆片】27歲的蔣家旻入行十年,2012年開始演《愛.回家》馬子妮入屋,雖然劇都播完,但仍然以角色身 ...


專撻拍檔轉口味

蔣家旻老闆仔新歡陪逛商場

娛樂要聞

【爆相爆片】27歲的蔣家旻入行十年,2012年開始演《愛.回家》馬子妮入屋,雖然劇都播完,但仍然以角色身份,跟其他同劇演員拍《馬家開飯》。知名度高了,戀事自然受關注,幾個月前被發現有新歡Nic的蔣家旻,日前再有《蘋果》讀者透過「爆相爆片」,分享在將軍澳發現她孖男友拍拖買頭飾。據知,蔣家旻受到做結婚統籌生意、約30歲的男友影響,有意闖商界。



蔣家旻前日由新歡陪伴在將軍澳揀頭巾。讀者提供圖片

蔣家旻入行十年,緋聞一隻手數得晒,包括曾被指一起合作《愛.回家》的羅天宇及李豪,去年仍跟港台前DJ、現於網台做主持的Martin甜蜜拍拖,今年已被揭與開婚姻統籌公司的Nic蜜運。據知,Nic在一次聚會認識蔣家旻後,即向其展開熱烈追求,二人雖然拍拖不足半年,但感情發展一日千里,經常孖住出巡。



蔣家旻揀頭巾揀足半小時,不時將太陽眼鏡拉高又放低,新歡一直都笑笑口。





蔣家旻(左二)有意開拓花藝生意,其男友(左)做婚姻統籌,大可互利互惠。

受啟發想創業

讀者林先生透過《蘋果》「爆相爆片」,表示前日下午4時多,發現蔣家旻在將軍澳新都城商場的市集行街,其間她對幾個由日本人開的飾物攤檔明顯特別有興趣。林先生說:「佢喺檔前試頭巾試咗好耐,又托高太陽眼鏡照鏡,全程都有個男仔陪喺身邊。」林先生又指:「見佢都揀咗大約半個鐘,不停試,又問吓個男仔好唔好睇,但可能揀得太耐,個男仔有行開一陣玩手機,但好快又返去蔣家旻隔籬,見佢最後都有買,但就唔知邊個畀錢,買完就見佢哋行去搭港鐵。」

據知,蔣家旻雖然與無綫尚有長合約,但結識做生意的男友Nic後,激發了她創業的雄心。知情者向《蘋果》爆料,指蔣家旻曾向友人表示,希望經營與花藝有關的生意,加上她現任男友做結婚生意,不怕沒客路。

蔣家旻前日接受傳媒訪問時被問及約30歲的新男友Nic,她即說:「朋友啫,呢個世界唔係男就係女㗎但係有了解中嘅朋友。」講到男友陪她買頭飾,她指同行還有一位女性朋友,她說:「我哋都好鍾意日本嘢,我同朋友都識少少日文,咁佢日文叻啲,咪去畀意見囉!」



蔣家旻17歲入行,至今已經十年。資料圖片



與徐榮(左)、林漪娸和羅天宇等演出的處境劇《愛.回家》,讓蔣家旻成功入屋。劇照

花藝平衡演戲

至於,有傳想創業做老闆,做和花有關的生意,蔣家旻認自己鍾意花,但表示很多東西都在學習中,平時會做花球送給朋友。笑問是否受做生意的Nic影響?她承認對方確令她知道自己有這方面的天賦,又指家人都好支持,但強調不會放棄演藝工作,她說:「我從小就喜歡演戲,想成為我嘅事業。呢兩年一直想30歲前完成另一個目標,有自己生意。」笑問蔣家旻會否在短期內結婚生B?她表示這話題太遙遠,又指自己雖然喜歡小朋友,但現在會專注工作,惟演戲會有壓力,花藝就可以令她有放鬆感覺。

採訪:小米、嵐山


鍾意就快D Share啦!