2017年6月12日 星期一

【獨家】留學夢碎!衛蘭衛詩怨過老竇 __,衛蘭,

衛蘭同衛詩約埋老竇去放風箏。自小父母離異的樂壇孿妹衛蘭(Janice)和衛詩(Jill),兩姊妹曾有幾年是分隔兩地生活,直到10歲時Janice獲父親 ...


衛蘭同衛詩約埋老竇去放風箏。

自小父母離異的樂壇孿妹衛蘭(Janice)和衛詩(Jill),兩姊妹曾有幾年是分隔兩地生活,直到10歲時Janice獲父親從韓國接返港生活,因家境清貧,三父女相依為命,故此小時候很少有親子活動,莫說一家人去旅行,就算去主題公園玩一日都是奢侈的事。

父親節將至,35歲的Janice和Jill想和父親重拾「親子樂」,因她們從父親口中得知,父親只放過一次風箏,更是在他出生地菲律賓,之後沒再玩過,因此想一圓三父女放風箏滋味。日前「雙J」帶同父親Joey及父親的女友往大埔海濱公園放風箏,雖然三父女對放風箏零經驗,但見「雙J」拎住兩隻風箏,父親在兩人旁邊跟住跑,玩到滿頭大汗,就像時光倒流回到童年時。Janice對首次放風箏笑言:「真係好難,要跑得好快,又要夠大風,我哋三個都盡量跑快啲。」Janice問到父親覺得如何?不多言的Joey爸開心說:「Good,因為冇試過呢啲經歷,同埋我哋太忙,好少時間咁樣一齊玩,難得有呢個機會。」

窮到冇錢修理雪櫃

Janice和Jill回憶小時候,父親在尖沙咀某酒店酒廊彈結他,她們放學後便流連酒店後面的公園玩耍,現每次經過,都會想起往事。Janice稱以前屋企太窮,家中沒冷氣,連雪櫃都壞埋沒錢修理:「因為太熱,我哋成日都好想爸爸帶我哋出街食飯,因為有冷氣歎,又可以行商場。」在旁的Joey爸亦指家中只有風扇。

當年生活艱難,Joey爸做了一個令兩女至今仍感到遺憾的決定,Janice自爆:「當年冇得去讀大學好唔開心,當年我同Jill係可以飛去英國讀書,但爸爸話唔夠錢,一定要我哋出嚟做嘢先得,本身我哋入到英國一間好好嘅跳舞學校,有獎學金去讀,因為覺得我哋有潛質,但最終冇得去,因為住宿生活費畀唔起,如果當年去咗讀書,我哋嘅人生應該好唔同。」

品流複雜中打滾

妹妹Jill回想當年錯失往英國讀書,仍感到可惜:「我係唔開心,嬲咗爸爸一排囉。」Janice亦替爸爸說好話:「當然會有啲唔開心,因為爸爸要我哋唔好讀書,出嚟幫手搵錢,當時我哋好唔想,好想繼續讀書,但冇法,爸爸真係冇錢畀我哋交學費。到同爸爸一齊做嘢唱歌後,發現自己好鍾意唱歌,所以好多嘢都係個天一早安排好,要我同Jill做歌手。」時至今日,Janice和Jill都成為歌手,當日父親為她們選的路是否算不差?Janice只謂:「開頭係差嘅,因我哋十七、八歲就喺啲品流複雜環境長大,細細個就見到好多嘢。不過,我哋大咗都明白爸爸,其實佢好想我哋讀書,只係真係冇能力。」

盼父女檔開騷

事過境遷,Janice和Jill現時不會再怪父親,反而想讓已退休的父親生活得更舒適,更想帶父親去旅行,Janice說:「如果再去旅行會帶爸爸去以色列,因為當地好多聖殿,係主耶穌行過嘅地方,想帶爸爸去睇吓。」Jill就提議去非洲,帶爸爸睇獅子老虎。似乎Janice較熟悉爸爸的喜好,二選一下,Joey爸揀去以色列!

問到會否再婚,Joey爸答:「No More!」Janice就笑言:「其實佢女朋友好錫佢,但佢冇諗住再婚,我自己都開心爸爸搵到一個好錫佢嘅人。」Joey爸則希望兩姊妹快些嫁人,笑謂:「希望你哋遇到好好嘅對象。」由於Joey爸是結他好手,兩姊妹最期待有一天能和爸爸同台演出,Janice更謂希望下年開演唱會時能夠實現到!

化妝:Samuel@江中平化妝室

服裝:5cm

髮型:Janice-Haysses Ip@HAIR

Jill-Carmen Ngai@HAIR


來源 source: http://hk.on.cc
鍾意就快D Share啦!
Related Posts Plugin for WordPress, Blogger...