掃呢頁CODE去手機

2017年6月6日 星期二

【獨家】大馬出事林雅詩提早返港 機場休克暈低要人拖上車 __,林雅詩,

林雅詩前日喺大馬文冬玩live直播,當街俾人搶手袋,事發後佢話好彩冇損失不過有少少擦傷。明明連賊都捉埋,但隔咗一陣,佢突然出po話係誤會。之後仲俾當地 ...


林雅詩前日喺大馬文冬玩live直播,當街俾人搶手袋,事發後佢話好彩冇損失不過有少少擦傷。

明明連賊都捉埋,但隔咗一陣,佢突然出po話係誤會。之後仲俾當地總警察公開話佢造假,對大馬存有惡意,唔道歉就隨時入黑名單冇得入境。

搞到咁大,本來8號先返香港,佢今日晏晝返咗嚟,仲要壓力大到喺機場暈低,要人拖上車。

疑似造假呢單嘢,林雅詩一直冇再解釋。但網民就好多聲音。有啲話係真搶刧。有啲話佢玩live兩頭望完就俾人打刧,有可疑。

點都好,今日下晝陪佢返嚟嘅經理人馬天樂就咁話:「佢返到嚟香港已經好好嘞。」

唔知係咪好多內情唔講得,佢出現機場時,全副武裝戴口罩,即係擺明封口唔講嘢。

行出機場等上車,三十幾度又猛太陽,林雅詩突然暈低咗,唔俾佢跣落地,大隻女同事用盡洪荒之力抱住佢。

經理人馬天樂就喺身邊掹住佢隻手猛叫「Grace Grace」

Grace已經冇晒反應,又點識應佢。

最後,都係靠大隻女同事又抱又拉,將佢運上車。但係……點解咁都唔叫白車呢?唔通真係俾大馬呢嘢嚇到冇晒主意!

相關連結︰

【大馬返港捕獲】直擊!32度高溫著厚褸 面青林雅詩暈低叫極無反應

http://bit.ly/2rDfUne


來源 source: http://s.nextmedia.com
鍾意就快D Share啦!