2017年6月17日 星期六

譚芷昀揚威國際!譚順生:佢當唱歌係生命 __,譚芷昀,

譚芷昀爸爸譚順生話阿女係好熱愛唱歌,唔怕佢有壓力!(資料圖片)有「香港小巨肺」之稱的9歲譚芷昀(CelineTam)揚威國際,最近參加了美國著名才藝比 ...


譚芷昀爸爸譚順生話阿女係好熱愛唱歌,唔怕佢有壓力!(資料圖片)

有「香港小巨肺」之稱的9歲譚芷昀(Celine Tam)揚威國際,最近參加了美國著名才藝比賽《全美一叮》(America's Got Talent)的選拔賽,演唱加拿大天后莎蓮迪安(Celine Dion)的名曲《My Heart Will Go On》的片段,在短短16小時已經有起過1,400萬瀏覽人次!

分享教女心得

而Celine的父親譚順生(Steve)是唱歌老師,近期亦宣布轉戰樂壇推出首張處男唱片,Steve對於囡囡一鳴驚人,電話中的他哈哈大笑,連聲說:「多謝,多謝。」談到囡囡有此好成績,他不停笑住說:「為港爭光,係為國爭光至啱。(點樣可以教到個女唱歌咁叻?)其實係有小小方法嘅,就係要佢多啲聆聽人哋講嘢,依家啲小朋友好少聽人講嘢㗎喇。(呢個咁大回應係最嘅父親節禮物?)都係㗎。」

簽咗保密協議

Steve又說由去年11月開始,不停陪囡囡到美國參加比賽,而最近那一次就是4月時,只是因為簽了保密協議,不能跟人公開此開心事,至於何時再比賽?他說:「留意禮拜二播出節目嘅結果啦,我唔可以講個結果出嚟,不過我哋都就快要再去,個比賽9月就會完,當然想個女繼續有得參賽,不過同佢一齊參加比賽嘅都好多人,好似有個樂團係成隊人,表演類似挪亞方舟嘅表演,成隻船搬上個台。(希望個女得到最後勝利?)當然想,佢喺台上都有講感受。」

學校唔知真相

他又指昨晚有朋友跟他說推出了宣傳片,又指有達過百萬人睇,現有近二千萬人瀏覽,回響極大覺得好開心,他說:「終於唔使守秘密,可以同人講,其實最難係同個女話唔好講畀人知,因為我唔可以教小朋友講大話,唯有同佢講得美麗啲,話如果講咗出嚟,就會損失呢個遊戲機會!(可擔心囡囡常往美國參賽會影響其學業?)唔會,因為佢讀國際學校,而學校都好支持佢參加比賽,不過請假時唔可以講個真相出嚟啫,反而我擔心影響我事業,因為陪佢去,我唔可以上堂教人唱歌,講笑啫。」

阿女當咗唱歌係佢生命

問他可擔心囡囡承受很大壓力?他說:「唔會,因為囡囡真係好鍾意唱歌,唔可以阻住佢,佢當咗唱歌係佢生命,佢因為知要有把靚聲好緊要,所以好注重健康,唔食煎炸、辣嘢,連雞都唔食,但鍾意食牛肉,佢好自律。」談到每次到美國都搭十多小時飛,問到擔心囡囡攰會影響表現?他說不會,因為囡囡會當去旅行,每次坐長途機,囡囡睇卡通片睇得好開心,但當然會睇完卡通片都會瞓,只是作為大人的他照顧阿女會比較攰,但他會跟囡囡說:「只要佢開心就得,佢開心我就開心,爸爸辛苦啲唔緊要,我為有呢個女感到自豪。」又指囡囡因為要參加比賽,她的唱片要延期推出,要等比賽完畢後才推出。

父親節未知點慶祝

問到父親節,囡囡如何幫他慶祝,他說:「個女話係秘密,成個行程都唔講畀我聽,好似參加呢個比賽咁。」問Steve亦會推出唱片,可擔心外界父女作比較?他說:「唔會,個女唱歌比我叻咪仲好,青出於藍嘛。」

雖然Steve就未知如何慶祝父親節,但Celine和妹妹早前就已經拍低一段片加畫了一幅寫上:「Happy Father's Day!」及「父親節快樂!」的畫,相信Steve收到一定很窩心!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...