2017年6月3日 星期六

【大巴大巴煎佢塊面】阿Bob錄節目遲到58分鐘 被林敏驄狂寸 __,阿B,林盛斌,Bob,林敏驄,鍾鎮濤,

林敏驄今個月9、10號會喺紅館開兩場作品展,多年來佢有唔少作品,所以演唱會必定星光熠熠,林敏驄之前亦好勤力做宣傳,報章、周刊、電台同電視台嘅訪問全部做 ...


林敏驄今個月9、10號會喺紅館開兩場作品展,多年來佢有唔少作品,所以演唱會必定星光熠熠,林敏驄之前亦好勤力做宣傳,報章、周刊、電台同電視台嘅訪問全部做齊。不過,佢之前上大台節目《BIG BOYS CLUB》接受林盛斌(Bob)同陳國鋒訪問嘅短片,就被網民剪輯咗喺網上瘋傳,網民仲話呢集火藥味好濃,有人撐林敏驄窒到Bob冇聲出係大快人心,亦有人讚Bob「EQ」高,而Bob本人都好關注呢件事,第一個喺呢個post留言話:「最緊要大家睇得開心。」平日口才了得嘅Bob,面對「高手」林敏驄的確冇晒乎,講一句就被林敏驄窒一句,仲被佢用手打臉,之後佢問林敏驄填詞係咪賺好多錢,就被佢串:「冇你咁多啦,你成日做嗰啲婚宴同殯儀,乜都做。」今次Bob就醒喇,即刻反駁話:「殯儀真係未試過,但嚟緊可能會試下,你嗰壇我會搞架喇!」據知,錄影當日Bob的確係遲大到,全部人等佢一個,阿驄就喺節目度問佢做乜遲到一個鐘,但Bob就話冇遲到,只係佢早到,不過陳國鋒就搭訕話:「冇~58分鐘之嘛。」《蘋果》聯絡過林敏驄,問佢知唔知網民好大反應,佢又用佢帶鄉音嘅講嘢方法話:「呢啲好平常啫,平時玩咁啫,唔熟就唔會玩到癲我夠成日被志偉打啱啱先同佢拍完戲,8月上,大家睇」佢又話:「濕碎料啫,唔駛咁緊張,大驚少怪,嗰日好好氣氛,全部導演坐晒喺度,食住零食做,遲到有乜所謂吖,我都遲到啦有時!係好熟好熟先會打佢,要打到啪啪聲先有呢個效果,隔離嗰個唔識,掂都唔敢掂佢。」林敏驄仲話,自己演唱會都係Bob做司儀,咁你話佢哋熟唔熟吖!問到Bob係咪咁大膽約左林敏驄訪問都遲大到?佢今日回覆傳媒時話:「我冇遲到,佢講笑啫,大家唔駛太認真,哈哈!」咁覺唔覺被林敏驄玩謝?Bob話:「梗係唔會啦,大家玩啫,其實我同佢私下係好 friend ,啱啱先一齊拍完蕭定一套戲,之前佢作品展記者會都自己打俾我叫我幫佢手主持,節目入面互寸互窒都係為咗搞氣氛,希望觀眾睇得開心,佢噚晚打電話俾我都話睇完個節目覺得好好笑,好正!最可惜要返內地工作去唔到佢個show,希望佢演出成功!我都好感謝各位網友嘅留言,我會繼續努力學習再做好啲!」

(電視畫面截圖) 阿Bob講一句就被林敏驄窒一句,仲被佢用手打臉(電視畫面截圖) 阿Bob想擋都擋唔住(電視畫面截圖)
被摑唯有大笑應對(電視畫面截圖)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...