掃呢頁CODE去手機

2017年6月5日 星期一

Bobby 許紹雄玩推車 大汗疊細汗 __,許紹雄,林盛斌,Bob,歐陽震華,Bobby,

陳嘉寶咁熱仲着冷衫,少啲耐力都唔掂。
Bobby許紹雄玩推車大汗疊細汗藝人歐陽震華(Bobby)與許紹雄這對活寶貝,昨日於酷熱天氣下為無綫新劇開工,雖然穿上厚戲服搞到身水身汗,但仍有心情講 ...


Bobby 許紹雄玩推車 大汗疊細汗

藝人歐陽震華(Bobby)與許紹雄這對活寶貝,昨日於酷熱天氣下為無綫新劇開工,雖然穿上厚戲服搞到身水身汗,但仍有心情講笑,互寸老之餘,又講有味笑話,認真「敬業樂業」!

Bobby與許紹雄、陳嘉寶等昨日為無綫新劇《誇世代》拍攝一場翻車戲,劇情指許紹雄誤以為Bobby翻車即衝前了解,惟昨日氣溫高達攝氏卅多度,酷熱天氣下還要穿厚戲服,眾人汗水長流,許紹雄更不停拿紙抹汗。

提防中暑多飲水

Bobby受訪時大講有味笑話「解暑」:「我諗起一句成語!」許紹雄即說:「哦,老漢呀!知你講乜,前輩真係前輩。」Bobby跟住說:「唔係推車嚟做乜,大師兄!」談到在酷熱天氣下開工,Bobby直言不及許紹雄辛苦:「佢今朝收04、05,但呢度call time係0530喎!今晚就到我喇,收28(即凌晨4點),但未睇再開幾點,唔想影響今日演出。」許紹雄表示連沖涼也不夠時間,惟有在車上「食散餐叉電」小休。

有中暑前科的Bobby,會否擔心再度中招?他說:「都真係經常中,熱少少就會將中暑掛喺口唇邊,所以最緊要係飲多啲水。(劇組有冇特別照顧你?)有啊,真係特別照顧,佢哋話拍到8月尾就收工,可以休息吓!其實有幾辛苦,相比古裝真係蚊髀同牛髀,我哋算好幸福,我冇乜信仰都要感恩!」Bobby身上的黑色衫非常吸熱,他已除下兩件衫,不像許紹雄穿夾棉外套戲服那麼辛苦!

歐陽震華昨日拍翻車戲,講「推車」有味笑話「解暑」。
  • 歐陽震華昨日拍翻車戲,講「推車」有味笑話「解暑」。
許紹雄與歐陽震華熱到成身汗。
  • 許紹雄與歐陽震華熱到成身汗。

陳嘉寶黐退熱貼

至於身穿連戲冷衫的嘉寶表示,已黐了退熱貼降溫,談到婚禮進度,已交由Wedding Planner幫手,會行傳統路線,總之尊重雙方家長為太前提。

文:影視組


鍾意就快D Share啦!