2017年6月12日 星期一

【獨家】歐陽巧瑩飛釘撐唔戴Bra __,歐陽巧瑩,

真係唯美喇!歐陽巧瑩日前為響應「解放乳頭運動」,與男友林師傑到美國旅行時身體力行,身穿工人褲拍下零打底騷半球的照片,表示要「FreeTheNipple ...


真係唯美喇!

歐陽巧瑩日前為響應「解放乳頭運動」,與男友林師傑到美國旅行時身體力行,身穿工人褲拍下零打底騷半球的照片,表示要「Free The Nipple」,不需要再讓胸圍箍住自己!照片曝光後引來不少話題,Tammy今日再公開幾張性感照,打扮潮爆的她有穿上衣但未有戴胸圍,真空凸點上陣,沒有望鏡頭流露不經意的性感,另一張她則穿上白色超高衩服裝在露台凝望風景,S形身材夠晒火辣!

「有人以為呢個運動要成個胸拎出嚟」

「解放乳頭運動」於2010年開始一直獲不少外國藝人響應,活動目的是追求性別平等,Tammy接受東網訪問時表示這個旅程拍下不少靚相,希望趁青春留念。對於有人戴上有色眼鏡看待此運動,Tammy表示要作出解釋:「好多人好奇怪,以為呢個運動係要成個胸拎出嚟,有人話我着住衫叫咩解放,有人發訊息叫我唔好咁小器,下次應該直情要唔着衫,我都唔想理呢啲人,佢哋要深思活動原意係要解開自己束縛,其實唔戴Bra已經係一個動作,唔通下下咩都騷晒畀人睇咩?(有冇諗過反應咁大?)冇諗過,當初純粹覺得好睇就公開,只係好普通,可能香港人少咁樣解放。」

「唔係核突意淫、特登烏低身嗰啲」

問到身邊同事及家人的反應,Tammy表示得到一致好評,都讚她的照片相當唯美自然:「台前幕後都話好靚,唔係核突意淫、特登烏低身嗰啲,係不經意咁影出嚟,大家反應都好正面。(父母呢?)冇咩特別反應,有讚啲相嘅,佢哋本身都開放,除非係影啲好cheap嘅動作。(叫埋媽咪響應?)有傾過,阿媽笑住話諗住有一日都會除,話幾時見過阿婆戴Bra呀!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...