2017年6月6日 星期二

【關公災難】C朗一剔新廣告 竟然着三間 __,C朗,基斯坦奴朗拿度,

【新增動新聞】基斯坦奴朗拿度(C朗)上周六歐聯決賽個人梅開二度,幫皇家馬德里捧盃之餘,自己仲做埋神射手,咁威水嘅時刻,點會唔用嚟賣廣告啦。長期贊助C朗 ...


【新增動新聞】

基斯坦奴朗拿度(C朗)上周六歐聯決賽個人梅開二度,幫皇家馬德里捧盃之餘,自己仲做埋神射手,咁威水嘅時刻,點會唔用嚟賣廣告啦。長期贊助C朗嘅美國運動品牌一剔,星期日就即刻出個「This boy knew」廣告,用番C朗仲效力緊士砵亭嘅細路仔相,Sell吓青澀,原本都冇咩問題,C朗仲放上個人IG,呃咗超過3百萬個Like混。不過廣告原相就出好大問題,有網民竟然咁心水清,即刻搵番C朗啲舊相,竟然發現C朗當時係着住一剔嘅死對頭、德國運動品牌三間嘅波衫,一剔嘅廣告部只係用This boy knew字樣同一剔Logo,遮住對手個Logo,搞個關公災難出嚟,唔知一剔點收科。之但係C朗呢期就真係威晒,因為佢連向來好受歡迎嘅電玩《FIFA》封面都做埋。C朗嘅宿敵美斯曾經做過2013至16年嘅《FIFA》封面,舊年嘅封面人物係馬高列奧斯,而最新一輯嘅《FIFA 18》星期一公佈咗封面人物,係第一次登上佢哋封面嘅C朗,呢方面終於可以睇齊美斯啦。

C朗一剔新廣告相(左),竟然係着三間。 C朗(圖)早前同一剔簽下終身代言合約。 C朗第一次做電玩《FIFA》嘅封面人物

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...