掃呢頁CODE去手機

2017年6月23日 星期五

西甲:西甲 唔怕打官司 C朗:唔會畀錢了事 __,C朗,基斯坦奴朗拿度,

(GettyImages圖片)早前有報道話,C朗會交番逃稅款項,意圖避免要坐監同減低罰款,但係周五C朗經理人公司代佢向傳媒表示,冇咁嘅可能,呢位葡萄牙 ...


(Getty Images圖片)

早前有報道話,C朗會交番逃稅款項,意圖避免要坐監同減低罰款,但係周五C朗經理人公司代佢向傳媒表示,冇咁嘅可能,呢位葡萄牙球星完全冇意圖回水。

現時正隨葡萄牙國家隊踢洲際盃嘅C朗被指逃稅約1,470萬歐元(約1.28億港元),如果最後罪成,連同罰款同埋還番欠交稅額,佢好有可能要畀超過2,000萬歐元,所以周三先有報道指佢會畀番欠稅,希望可以減少罰款同避免坐監。不過,C朗經理人公司Gestifute已經話冇可能,仲暗示C朗決心打官司打到底。

由於之前皇家馬德里冇乜表示話支持C朗,令呢位32歲球星嬲嬲豬,話要離開皇馬。皮里茲連任會長之後,即時話全力撐C朗,先令到佢回心轉意。今次逃稅風雲令到C朗喺巴拿貝前途未明,除咗一直傳得好勁嘅曼聯之外,法甲勁旅巴黎聖日耳門都係可能買家之一。

東網體育同你追實體壇每個精彩時刻! 

http://bit.ly/2ecTF2A 


來源 source: http://hk.on.cc
鍾意就快D Share啦!