薛家燕噚日突然爆seed，狂數9歲「小巨肺」譚芷昀(Celine)嘅爸爸譚順生（Dr.Steve）做人冇道義。家燕姐噚日接受傳媒訪問時表示「家燕媽媽藝術中心」數年前曾經聘用過譚順生，但之後疑被人硬撬客仔。加上Celine喺2014年時能參加湖南衛視歌唱節目《中國新聲代》，原來都係多得家燕姐幫手搭路，但譚順生隻字不提，令家燕姐嬲豬話﹕「佢同啲學生講，話自己關係好，如果邊個想去(中國新聲代)就搵佢，得啖笑。」(相關新聞﹕http://bit.ly/2sN8t0c)當年Celine成功入圍，譚順生順理成章認識到湖南衛視嘅幕後班底，今年6月，譚順生更有機會做《中國新歌聲》香港區總決賽評判之一。在其唱歌中心「Sing And You」嘅facebook網頁中，亦都係以Celine妹妹嘅威水史作招倈，並成為公司image girl，留言﹕「你有冇諗過你嘅仔仔女女都可以成為下一個小巨肺？咁首先就要訂立一個清晰嘅目標啦!」今日《蘋果》亦收到多名讀者投訴譚順生，一名自稱是譚順生開嘅獵頭公司前員工陳先生(化名)，稱譚順生經常強迫員工一個人做幾個人工作，自己試過被迫開OT學寫Website；另一名李小姐(化名)亦曾在歌唱中心做實習，原本$6,000人工，最後只係收得$3,000人工。對於被前員工投訴，《蘋果》曾聯絡譚順生，但未有回覆。
來源 source: http://s.nextmedia.com
|
鍾意就快D Share啦！
|
|
|
