2017年6月24日 星期六

電影邀約受阻 Celine全球工作暫停 __,Celine,

Celine因為美國節目關係要全部工作暫停呀!年僅九歲的「香港小巨肺」譚芷昀(Celine)近日參加美國才藝真人騷《全美一叮》(America'sGo ...


Celine因為美國節目關係要全部工作暫停呀!

年僅九歲的「香港小巨肺」譚芷昀(Celine)近日參加美國才藝真人騷《全美一叮》(America's Got Talent/AGT),憑獻唱偶像兼國際天后Celine Dion的經典作品《My Heart Will Go On》而爆紅,節目播出後引起很大回響,年紀小小已十分唱得的Celine人氣急升,據知成功晉級的她吸引很多工作埋身,如有台灣電影想邀她演出,亦有廿幾三十個活動邀約,但現時全球的一切工作都要暫停!對此記者聯絡Celine經理人公司老闆蕭定一,他承認Celine獲很多電影及活動邀約,但因為參加了《全美一叮》,有些工作要美國節目方面批准,而節目亦希望他們在未知賽果前都不要接工作,故現時Celine所有工作都要叫停,直至有結果為止。

心情未受影響

今早Celine由爸爸譚順生(Steve)陪同下從美國洛杉磯返港,到了下午時分,記者發現Steve現身鰂魚涌。下午四點半左右,見Steve與同事步出公司門口,似乎是返完公司開會,離開時見他到咖啡店買咖啡,沿途與同事有講有笑,心情似乎未受負面新聞影響。步出咖啡店時被問到近來是非纏身心情可有影響?他只謂剛從美國回港很攰,星期日出活動時會把一切交代清楚。講到撬學生風波他曾表示會捐出8萬港元學費,他謂:「今日已經做咗,到時會交代。」問到時可會出示證據?他只顧搵的士,未有回答。問到囡囡可知爸爸是非纏身?他謂:「佢好少理,顧住讀書同忙自己喜好,即係唱歌。(佢安慰你?)冇乜嘢,多謝大家關心,都係做番正常自己嘢,我又忙教唱歌。(你日常生活同心情冇受影響?)冇乜嘢。(網友起底唔開心?)證實唔到嘅嘢係謠言,星期日會交代。」講到個人資歷中翻唱歌曲奪冠的威水史年份有錯,他又只顧搵的士,最後以趕住教唱歌為由,登上的士離開。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...