網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年6月25日 星期日

【依然笑得出】晒博士證書騷捐款收據 Celine爸爸譚順生:冇迫任何人跟我唱歌 __,Celine,譚順生,

年僅9歲嘅譚芷昀早排參加《全美一叮》America'sGotTalent爆紅,為港爭光,原本係美事,點知間接令老竇譚順生是非纏身。最先由家燕媽媽開炮, ...


年僅9歲嘅譚芷昀早排參加《全美一叮》America's Got Talent爆紅,為港爭光,原本係美事,點知間接令老竇譚順生是非纏身。最先由家燕媽媽開炮,指譚順生疑似撬學生,話佢個人居心叵測,仲叫佢唔好影響到個女。(新聞連結:http://bit.ly/2tImAk8 )繼而就係話譚順生屈《中國好歌聲》冠軍張翊龍係自己學生,之後再被揭歌唱獎項同本身首歌面世嘅年份有出入(新聞連結:http://bit.ly/2t8KAQY ),最後仲有人質疑佢個博士銜頭真確性。雖然負面新聞一籮,但今日,譚順生出席新碟發佈會時,依舊心情靚靚笑吟吟,而佢亦趁機同大家逐點交代如下,不過記者會就講明冇設記者提問時間。「第一,就係關於《中國好歌聲》,其實任何人有興趣跟我學唱歌,我都冇任歡迎,我唔會考究佢係咪我學生,或者有冇老師,全部我都係歡迎嘅,我亦都冇強迫過任何人跟我學唱歌,咁其實迫唔到o架,全部都係自願,有自己嘅決定同選擇。」「第二,至於家燕姐嘅指責,喺之前嘅聲明中已經交代過,呢度唔特別再交代啦,特別要交代嘅,就係我自己返到嚟香港,第一時間做咗之前承諾嘅嘢,借呢個機會向家燕姐致歉先,令到佢覺得煩擾,我返到嚟,就用家燕姐嘅名義,將8萬蚊嘅捐款捐俾保良局,可以喺度騷張receipt俾大家睇,返嚟之後幾個鐘,我就做咗呢個動作,因為承諾永遠都係承諾。希望呢件事上可以告一段落。」「第三,網絡上面嘅獎項,歌曲年份有出入嘅問題,因為真係事隔20幾30年,我係憑我嘅記憶,去同我助手講有呢啲呢啲獎項,咁可能係我疏忽,我處理得唔好,我係冇親身去核實資料嘅準確性,令到出嚟嘅資料有差異,我喺呢度向大家講聲唔好意思,我重申我啲獎項係真嘅,我承諾我嚟緊擺出嚟嘅任何資料,受過今次教訓之後,我係會好審慎處理我所有資料。」

攝影:仇志德 有備而嚟嘅Celine爸爸譚順生,今日帶埋以家燕姐名義嘅8萬蚊捐款收據出嚟,話希望件事可以告一段落。 家燕姐日前曾公開指責過譚順生。
捐款收據。 同時,譚順生亦帶埋博士畢業證書去記者會。
現場唱甄妮首《奮鬥》。 同切生日蛋糕。 交代完就鞠躬。

來源 source: http://s.nextmedia.com
鍾意就快D Share啦!