2017年6月25日 星期日

家燕姐收捐款單據惟冇道歉 Celine爸硬Sell自己搵女兒開工要預埋佢 __,Celine,薛家燕,家燕姐,家燕,

家燕姐收捐款單據惟冇道歉Celine爸硬Sell自己 搵女兒開工要預埋佢娛樂要聞小巨肺譚芷昀(Celine)近日因《全美一叮》(America'sGo ...


家燕姐收捐款單據惟冇道歉

Celine爸硬Sell自己 搵女兒開工要預埋佢

娛樂要聞

小巨肺譚芷昀(Celine)近日因《全美一叮》(America's Got Talent)衝出國際,但Celine爸譚順生的是非就接踵而來,當中薛家燕日前炮轟他不道義暗撬學生,並收取貴五倍學費,家燕姐昨日出活動時透露已收到Celine爸以她名義捐出8萬元予保良局的收據,但對方仍未道歉。據知,Celine爸除想捧紅囡囡,亦想父憑女貴,由簽經理人蕭定一到公開活動,以綑綁式父女檔打孖上。



Celine上周在《全美一叮》亮相爆紅,連帶爸爸譚順生近日亦被翻出不少是非。資料圖片

現年9歲小巨肺譚芷昀上周亮相美國節目《全美一叮》唱《My Heart Will Go On》而爆紅,連原唱者Celine Dion也在twitter轉載其片段,囡囡衝出國際兼晉級,但身為唱歌導師兼歌手、自稱「Dr. Steve」的Celine爸譚順生在香港被翻出不少舊賬,他前日拖Celine由美國返港全程避談是非。



有指Celine爸借囡囡Sell自己,以綑綁式父女檔簽約蕭定一公司。資料圖片



Celine爸在其音樂教室fb專頁以囡囡Celine作生招牌。

「我大人有大量」

日前薛家燕率先踢爆Celine爸早年破壞行規,在她的音樂學校任教時暗撬學生過檔,並收取高五倍的學費,Celine爸即發聲明「拆彈」,表示會以家燕姐名義捐出8萬元給保良局做善事。家燕姐昨日現身馬鞍山出席成人奶粉活動,在台上大跳十字步,問到Celine爸有否兌現捐款承諾,她表示:「噚日我個女收到message,就係用譚順生博士嘅錢、但係以薛家燕名義捐咗8萬蚊畀保良局嘅收據,我相信嗰啲錢都係我啲學生嘅學費,捐咗去都係好事。」問到對方有否向她道歉,她表示:「呢個就未有,不過唔使畀電話我,我都唔鍾意提起任何嘢。」

爆出暗撬學生事件後,Celine爸被網友發現他在官網疑虛報教唱歌資歷及唱歌比賽成績等,家燕姐表示未有留意報道,故不作回應。提到Celine爸聲稱教出《中國好聲音》第二季香港賽區冠軍張翊龍,事後被對方踢爆只是去試堂,她表示:「其實我同佢真係好少接觸,件事都告一段落,我淨係知佢上堂時會派卡片。不過Celine真係唱得好好,希望佢都唔好忘記學業,努力讀書。」問會否覺得Celine被當成搖錢樹,家燕姐即皺眉,再補充指要完成學業為先。再問對方欠她一句道歉,她表示:「唔使喇,我哋大人有大量。」



薛家燕日前踢爆Celine爸爸在她的音樂中心任教時暗撬學生,她昨日出席活動時則謂「唔鍾意提起任何嘢。」攝影:陳俊強

綑綁式簽蕭定一

據知,Celine爸除栽培Celine的歌唱事業,他本人亦非常渴望父憑女貴,故由簽蕭定一經理人合約到公開活動,以綑綁式父女檔打孖上,實行硬sell自己。本報昨聯絡蕭定一,問Celine父女合約是否綑綁簽,他回覆:「唔好咁講,係簽咗兩父女。」兩父女合約條件是否一樣?他表示:「唔一樣,佢爸爸想喺呢行發展,如果有啱兩父女,咪合作一齊做。」

另外,Celine爸日前被指在fb指自己於08年在菲律賓馬尼拉一大學擁有博士銜頭,但本報昨日發現他已刪走fb戶口,他的個人官網亦已關閉。今日Celine爸會現身銅鑼灣出席新碟簽名會,不過其經理人公司已表明不設傳媒訪問,本報昨日曾聯絡Celine爸,惟他於截稿前未有回覆。

採訪:盧妹、鍾國仁


鍾意就快D Share啦!
Related Posts Plugin for WordPress, Blogger...