2017年6月8日 星期四

【魔童唔講中文】Chilam直播激親老婆 靚靚認黑面:嬲到想一嘢劈佢 __,魔童,張智霖,Chilam,袁詠儀,靚靚,王維基,

袁詠儀(靚靚)、森美今日喺尖沙嘴出席荔園茶餐廳開幕活動,老闆邱達根一家六口同邱老太裘錦蘭都有到場一齊主持剪綵同點睛儀式。靚靚話荔園帶俾佢無限嘅童年回憶 ...


袁詠儀(靚靚)、森美今日喺尖沙嘴出席荔園茶餐廳開幕活動,老闆邱達根一家六口同邱老太裘錦蘭都有到場一齊主持剪綵同點睛儀式。靚靚話荔園帶俾佢無限嘅童年回憶,好幸運細個可以有個咁嘅地方陪住成長,佢話:「我有叫老闆整番個荔園,但佢話冇地方,希望香港政府畀商家將到呢種情懷帶畀我哋啲市民。」問靚靚喺荔園有冇艷遇?佢搞笑話:「我阿爸係差人,邊有人夠膽埋身!」佢仲話細個拍拖唔會去荔園,問佢同老公Chilam當年去邊度拍拖?靚靚就話:「睇戲啦,我哋懶有藝術,因為嗰時唔見得光,o依家就唔同,可以同老公四圍去,我哋都好鍾意茶餐廳,一星期會去4、5日。」靚靚之前一家去咗英國旅行睇波,老公同個仔玩直播,靚靚唔鍾意個仔講英文唔講中文黑晒面,靚靚解畫話:「嗰日早餐都未食,佢哋就喺度研究點做直播,已經好抗拒;個仔係讀國際學校,中文唔係佢母語,我一直都只會同佢講中文,希望佢識多啲,點知佢仲叫個仔負責講英文,佢就講中文,嗰刻真係嬲到想一嘢劈佢!」靚靚仲話教仔係同Chilam嘅唯一矛盾,問到有冇後悔畀個仔讀國際學校?靚靚就好肯定咁話:「冇!因為佢好快樂、好開心、好正面!知識交畀老師,父母就要身教,我都有臭脾氣,講嘢快過個腦,得罪好多人,為咗個仔我都要學習。」提到喺英國時啱啱遇到恐襲,靚靚話都有少少陰影,不過就唔會逃避唔再去,佢話:「今次有個經歷,希望唔會再發生。英國係一個有濃厚文化嘅地方,如果個仔話去,都會再去,當然會小心。」

(右圖攝影:仇志德) 靚靚同森美為荔園茶餐廳開幕。
邱達根(右三)一家六口同邱老太裘錦蘭(左四) 靚靚話老公Chilam開直播要囝囝講英文,有啲嬲。(facebook截圖)
(facebook截圖)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...