掃呢頁CODE去手機

2017年6月15日 星期四

cut武師慳替身 張繼聰被臨記誤傷 [壹週刊 - 1423] __,繼聰,張繼聰,M1,

既有武功底加上keep住做運動,張繼聰拍武打場面,動作清脆利落。探熱針cut武師慳替身 張繼聰被臨記誤傷Encore再做爸爸的張繼聰,託B女的洪福,電 ...


既有武功底加上 keep住做運動,張繼聰拍武打場面,動作清脆利落。

探熱針

cut武師慳替身 張繼聰被臨記誤傷

Encore再做爸爸的張繼聰,託 B女的洪福,電視、電影輪住拍,忙到連寶貝女的滿月,都無時間慶祝,目前他為台慶劇《誇世代》埋尾,導演睇準他師承詠春的葉準,拳腳見得人,決定度身訂造一場動作戲,要他好似甄子丹般一個打十個,劇組更沒有安排替身,要張繼聰親自上陣,但係遇啱十個對手不是武師個個有功夫底,加上拳腳無眼,張繼聰慘被誤傷,中伏!撰文、攝影、攝錄:娛樂組 設計:何嘉慧

一個打十個

張繼聰同歐陽震華加埋大批臨時演員等近六十人,齊集觀塘一幢工業大廈的後巷,準備拍攝一對十的打鬥場面,武術指導將招數、走位逐一跟張繼聰說明,然後安排十名對手列陣跟他試位,彩排一個小時,才正式埋位拍攝。

「呢啲咁大型嘅打鬥場口,劇組通常都會安排定替身,點知導演拍心口話阿聰有料到,佢會親自上陣,連替身錢都可以慳埋,咁樣即係搵着我哋嚟搞,分分鐘開多組(拍多日)都拍唔晒,但係都冇辦法,咪搏一搏囉!」一名工作人員透露。

今年 3月,謝安琪為恨女恨到發燒的張繼聰誕下細女張靖,一家四口湊成一個好字。

一對十的場口,張繼聰主要擋同踢,但兵器無眼,當事人頻頻俾對方打到應。

唔怕蝕底又有戲,即使不是親生仔,依然獲大台重用拍台慶劇。

男主角歐陽震華是夜行行企企,粗重工夫全部由張繼聰包辦。

中招死忍

的確有詠春加運動底子的張繼聰,不負眾望,三個多小時便拍完一個打十個的打鬥場面,相信最開心除了張繼聰,應是全晚陪企交表情的歐陽震華,但事後有工作人員指張繼聰全晚多次被臨時演員擊中誤傷,但歸心似箭為求盡快見囡囡才死忍唔出聲。

「喺現場久不久就聽到有武器打中身體嘅聲,但係張繼聰一直話冇嘢,一係就話自己無事,全部硬食。以前呢啲場口,一定係龍虎武師自己上,但係十個都搵晒龍虎武師,條數好襟計,惟有混啲臨時演員入去,導演收貨公司又唔會詐型,但係就戥啲演員慘囉!」一名幕後工作人員說。

金髮 lady look同阿田平日的打扮好大出入,連歐陽震華第一眼都認唔出。

阿田同富貴狗拍檔勁投緣,未埋位全程抱實唔願放。

眾人坐上道具車等 roll機,發現《壹》仔影相整古做怪!

拍檔收工,阿田又攬又錫,因住屋企的 MoMo(愛貓)聞到味大呷醋呀!

撰文、攝影、攝錄:娛樂組


鍾意就快D Share啦!