2017年6月14日 星期三

【日本箍煲失敗】遇上「世界上最差的男人」 Hazel:我變咗笑話 __,Hazel,唐紫睿,

現年29歲G-1女拳王唐紫睿(Hazel)舊年情人節公開戀情,大晒任職室內設計師嘅男友Louis包下電車漫遊過二人世界,佢哋喺車上飲紅酒、切蛋糕同收鑽 ...


現年29歲G-1女拳王唐紫睿(Hazel)舊年情人節公開戀情,大晒任職室內設計師嘅男友Louis包下電車漫遊過二人世界,佢哋喺車上飲紅酒、切蛋糕同收鑽戒,當時Hazel冧爆話:「男朋友好浪漫,令我好感動,我畀佢95分,我哋拍咗拖兩個月。」點知噚晚Hazel就喺社交網貼出「淚眼」照,佢留言:「這個世界上最差的男人,就是分手了,他也一直只說着你的不對,從來沒想過你的付出…P.S我單身了…」佢自爆同電車男Louis分手,結束一年半短暫情緣。其實早前曾傳兩人嗌交分手,但小風波好快過去,佢哋仲去日本旅行,點知最後都掟煲。《蘋果》今日向Hazel求證,佢短訊回覆:「我長期大陸拍劇,佢變咗,對我好冷淡。」兩人之間係咪出現第三者?Hazel話:「我不知道。」Hazel承認主動提出分手:「早兩日嘅事,之前同居,現他搬走了。o依家要事業,以後都唔會再放閃,之前係佢想曝光,o依家我變咗笑話,諗住佢係結婚對象。」Hazel話情已逝,冇挽救餘地:「唔考慮,為佢付出已經夠多。」失戀嘅Hazel正喺大陸拍劇,心情受影響:「這幾天已好影響我工作,完全沒在狀態,我在深圳拍劇,忙到7月份。我們脾氣都很大,加上大家工作壓力也大,不能互相體諒……可能係,女人永遠會越來越愛一個男人,而男人永遠剛好相反……」下月6日就29+1嘅Hazel失愛情,幸好仍有事業揸手。

Hazel噚晚宣佈同拍拖年半嘅室內設計師嘅男友Louis分手。 去年情人節放閃,Hazel曾經視Louis為結婚對象。 可惜最後都分手收場。
近年Hazel多於大陸拍劇。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...