掃呢頁CODE去手機

2017年6月4日 星期日

【獨家】去到邊照喪影 JM拖男友遊京都神社勁Sweet __,JM,文詠珊,

除咗啲電影同音樂頒獎禮,有唔少名人明星都視外國品牌時裝騷為一個「亮相」之地,梗係啦,話晒大牌子有fashion騷就有機會入到唔同國家媒體嘅鏡頭,計落條 ...


除咗啲電影同音樂頒獎禮,有唔少名人明星都視外國品牌時裝騷為一個「亮相」之地,梗係啦,話晒大牌子有fashion騷就有機會入到唔同國家媒體嘅鏡頭,計落條數點都抵!加上,獲外國品牌邀請係一種有名氣嘅表現,所以出席者都會扮到靚靚現身。好似「元祖o靚模」、現已轉往電影界發展嘅文詠珊(Janice Man)咁,喺上月中就遠赴京都,出席法國品牌Louis Vuitton喺京都美秀美術館(Miho Museum)舉行嘅2018初春女裝騷,當時佢仲同范冰冰等國際級名人同場,仲被人發現佢攞住部手機陶醉喪影。(新聞連結: http://bit.ly/2qL87mi )原來JM今次係寓工作於娛樂,喺睇騷前兩日,被目擊佢拖住男友吳啟楠(Carl Wu)現身京都著名景點伏見稻荷神社,讀者蘇小姐透過《蘋果》「爆相爆片」話:「係喺5月12日見到Janice Man同男友喺京都伏見稻荷神社出現,大約係日本時間5點幾,初初見到個女仔好熟面口,望真啲原來係Janice Man同佢男友。」蘇小姐仲話,當時JM心情好好咁,不停咁自拍又周圍影相,有同男友拖手,好開心、好sweet咁,見到佢嘅時候,JM都差唔多離開喇!本報搵過JM,問佢係咪放假同男友去旅行,去話今次去京都係做嘢,睇LV Cruise Show,因為之前都喺大陸做嘢,所以男友趁假期飛去日本玩幾日,JM話:「因我最近都在拍戲,要做到大概年底,所以今次工作嚟到京都,我們順便當休息一下。」

(左圖:美聯社、右圖:讀者提供圖片) JM同男友吳啟楠拖手遊京都伏見神社(讀者提供圖片) JM唔知係咪被人得多,所以去到邊都喪影,今次有男友做model。(讀者提供圖片)
蘇小姐話JM兩人全程都好sweet(讀者提供圖片) (讀者提供圖片) (讀者提供圖片)
JM之前喺LV騷現身(美聯社)

來源 source: http://s.nextmedia.com
鍾意就快D Share啦!