2017年6月27日 星期二

港姐複選:省鏡佳麗睇晒!Kelly玩透視 __,Kelly,港姐,陳慧琳,

康城站出現好多靚女!《2017香港小姐競選》今日進行複選,約有80位候選佳麗現身同傳媒朋友見面,唔知係咪抱住「贏在起跑線」嘅心理,定係心情緊張嘅關係呢 ...


康城站出現好多靚女!

《2017香港小姐競選》今日進行複選,約有80位候選佳麗現身同傳媒朋友見面,唔知係咪抱住「贏在起跑線」嘅心理,定係心情緊張嘅關係呢?有部分佳麗晨咁早於9時許,已經化行晒妝、扮到靚靚咁出現康城站,眾靚女清一式身穿one piece裙亮相,凸顯大方得體的一面。

「大熱組」第一名報到,就係近10點就蒲頭,今年23歲有「翻版龐卓欣」嘅Regina Ho,着咗白色及膝裙襯橙紅色手袋、螢光粉紅高跟鞋嘅佢,好大方咁企定定畀傳媒朋友影張靚相,不過見佢塊面有「粒粒」,眼圈又黑黑哋,仲有啲浮粉㖭,似乎何小姐休息得唔係咁夠喎,問到Regina覺得自己似唔似龐卓欣?佢就話:「朋友話似李亞男。(有冇信心入圍呀?)有信心。」

而第二位「大熱組」佳麗就係「仙氣李若彤」Kelly喇,今日Kelly唔玩仙氣玩透視,佢條粉橙色嘅裙好透,胸前及裙底嘅薄紗設計,令人有想睇多幾眼嘅感覺,不過同佢個身相比,就覺得佢對笑到瞇瞇地嘅明眸同皓齒仲吸引,還有不得不讚嘅可愛酒凹仔。傳媒大讚佢好省鏡,係大熱人選時,佢用陽光笑容回應:「好開心。(有信心入圍?)當然有嘅,(你好似李若彤喎?)有搵番李若彤嘅相嚟睇,覺得佢好深入民心,好靚。」

同場仲有都係「大熱組」嘅Zoe,佢先禮後兵大讚Kelly靚女,身為麥明詩戲劇組同學嘅佢仲話收到麥明詩祝福添。接住就見到有「翻版邵珮詩」嘅盧頴萱,不過可能趕唔切set頭,盧佳麗嘅髮型有啲亂喎。

最後一位「大熱組」靚女就係Nicole Kan,着咗住條藍色裙嘅佢,同Vivian Law、Vivian Chan同Raven Lai三個女仔一齊嚟,好合作咁一字排開畀傳媒影相,幾個女仔似乎做到朋友,感情仲幾好㖭,不過friend還friend,影大合照要突圍而出喇喎,梗係要挺胸收腹,大家睇睇Nicole Kan幾咁堅挺個甫士。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...