2017年6月17日 星期六

【獨家】啞忍半年終爆發 傳Mandy搵上門 鬧爆松岡纏住洗米華 __,松岡,洗米華,Mandy Lieu,Mandy,周焯華,

上線喇,有一單花生料,上線喇!洗米華周焯華噚日去澳門出席第二屆澳門國際影展記招時,心情愉快到不得了,祝酒環節上,好豪氣咁一乾而盡,仲叫同台、拎住杯酒養 ...


上線喇,有一單花生料,上線喇!洗米華周焯華噚日去澳門出席第二屆澳門國際影展記招時,心情愉快到不得了,祝酒環節上,好豪氣咁一乾而盡,仲叫同台、拎住杯酒養魚嘅千嬅大啖乾咗佢。

因為之後有約。

約咗新歡松岡李那,坐私人飛機出席朋友婚禮。

難怪見到佢個樣,明明唔笑都似好笑緊咁。

之前洗米華已經同松岡坐私人飛機去夏威夷出席安以軒婚禮,一條攬腰孔雀開屏條片,洩露兩人親密關係。

洗米嫂陳慧玲(Heidi)表面冇動靜。

但,Mandy Lieu呢?Mandy身在倫敦湊B,低調避世多時。之前Mandy同洗米華無論去到世界哪一個角落,都會俾網民野生捕獲,但,據知其實Mandy同洗米華,已有大約半年冇見,包括3月Mandy 32歲生日,同B女5月20號生日,都唔見洗米華飛去英國陪女友。據知,就係因為松岡。本報之前已率先報道指洗米華與松岡共舞影片流出後,令Mandy大怒。其實唔止咁。本報收到獨家消息,Mandy同松岡曾隔空開火。由Mandy開火。據知,件事就咁,半年前,洗米華經友人介紹下認識,一撻即著,令在倫敦湊仔嘅Mandy大動肝火。其實都火得有理,之前plan好晒帶埋小朋友返港,又賣屋又買屋又搵學校,乜都plan好晒,到最後,洗米華為箍煲令洗米嫂回心轉意唔好離婚,所以請Mandy繼續留在英國,但求唔好刺激到洗米嫂。Mandy依從。點知,半年前洗米華識咗松岡之後……聽知情人士講,洗米華幾乎一有時間就陪松岡﹐Mandy被雪藏。結果忍無可忍,話唔見男方,其實呢招都係以退為進咁啦,點知佢自己退,洗米華又退,依家仲有埋片,Mandy面子擺去邊?知情者稱,報道一出,Mandy即WhatsApp松岡,咁當然唔係傾偈打招呼……但又咁講,佢兩個根本就係行家(model),一早識0架喇。WhatsApp內容外人不得而知,聽講就係同洗米華有關。Mandy「搵」完松岡之後,跟手再打個電話俾洗米華,要求男方唔好再見松岡。俾人「搵完」嘅松岡,自感委屈,搵洗米華訴苦。聽講係咁樣啦。咁結果係點?就係洗米華包架私人飛機,同松岡出席友人婚禮。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...