2017年6月24日 星期六

【獨家】揼本億元 郭晉安Niki再創世紀 __,Niki,郭晉安,周麗淇,

安仔領軍孭飛,柏豪同林文龍要畀心機一齊做好戲。無綫豪擲過億開拍劇集《再創世紀》,於1999年播放的《創世紀》及翌年播映的《創世紀II天地有情》收視與口 ...


安仔領軍孭飛,柏豪同林文龍要畀心機一齊做好戲。

無綫豪擲過億開拍劇集《再創世紀》,於1999年播放的《創世紀》及翌年播映的《創世紀II天地有情》收視與口碑俱佳,當年無綫以1.5億投資這兩輯,合共106集,就算多次重播都令觀眾看得肉緊。相隔18年後,今次新劇《再創世紀》共有36集,主題和故事圍繞近10年香港金融經濟發展,將於7月開拍,無綫預計一年時間製作,暫定下年年中播放。

遷就湊女 加國取景

觀眾最關注的,莫過於此劇的靈魂人物,今次男主角就是當年《創世紀》中飾演馬志強的郭晉安,監製則是高收視劇集《不懂撒嬌的女人》監製關樹明,據知憑《不》劇人氣再升的男主角林文龍亦會加盟此劇,袁偉豪和歌手周柏豪亦會參演。女主角方面,就有周麗淇、楊怡和鍾嘉欣,周麗淇曾替無綫拍劇集《秀才遇著兵》,更成為其事業轉捩點,之後又拍了《天幕下的戀人》、《女警愛作戰》等不同題材的無綫劇,令她擁有電視粉絲團。

至於楊怡和鍾嘉欣,前者是離開娘家後第一套無綫劇,嘉欣則是產後首次演出劇集。據知,劇中楊怡飾演郭晉安太太,嘉欣戲份亦不少,無綫亦體恤她要照顧女兒,故將她的戲份在溫哥華取景拍攝,可見無綫相當重視。有兩大實力派男演員及多位花旦助陣,絕對有「戲勢」!

笑蔡少芬忙搵人仔

《再創世紀》靈魂人物郭晉安接受東網訪問時坦言今次故事及演員都耳目一新,說到無綫以巨額投資及重視此劇,安仔笑言:「係呀!今次我係重金禮聘㗎!我哋會去捷克同加拿大拍外景,仲要喺深圳取景拍兩個多月,其他有乜演員我唔清楚,不過我唔落搭,呢個就唔係《創世紀》」說到之前他指希望可與蔡少芬(Ada)再續《創世紀》緣分,安仔笑說:「Ada喺大陸好忙㗎!搵埋好多人民幣。(你唔一齊搵?)我屋企唔夠佢大嘛!」而Ada回覆東網承認《創》劇有邀拍:「有搵過我,但我交咗畀公司決定,最後冇接!(可惜?)拍劇都要講緣分!」

郭晉安又指雖然認識周麗淇,但合作則是第一次,他更讚對方靚女,又打趣說:「佢係靚女嚟!當然期待合作,原先蔡少芬做我家姐㗎嘛!依家Niki(周麗淇)做咗我個女。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...