2017年6月16日 星期五

有愛有得傾!阿Sa周柏豪原諒大話情人 __,阿Sa,周柏豪,柏豪,蔡卓妍,

估唔到佢哋咁睇得開!蔡卓妍(阿Sa)在英皇電影《原諒他77次》中原諒周柏豪76次後,決定是否原諒第77次前要作出重大考慮。她坦言開拍前導演邱禮濤和編劇 ...


估唔到佢哋咁睇得開!

蔡卓妍(阿Sa)在英皇電影《原諒他77次》中原諒周柏豪76次後,決定是否原諒第77次前要作出重大考慮。她坦言開拍前導演邱禮濤和編劇李敏已鎖定柏豪擔任吊兒郎當的男主角:「如果冇周柏豪拍,我真係冇機會拍!」

退一步解決問題

電影以原諒為主題,但每個人總有底線,柏豪直指謊言最令人難受:「但事後大家都有維繫番個關係的話,都仲有得原諒嘅。」阿Sa覺得信任最重要:「冇咗信任好難繼續行落去,我接受唔到對方除咗我之外仲鍾意第二個!」問到會否原諒一個人達77次?她坦言選擇先退一步:「女仔好簡單,只要感覺到係被需要、被愛,好多嘢都可以冇問題。」她指現實中不少男女亦會遇上片中的問題:「原本一齊望住同一個目標,但突然發現距離好遠,冇辦法再一齊,好無奈。」

緣分等上天安排

提到現實中周柏豪與老婆相知相愛,愛情長跑十年後拉埋天窗,問單身的阿Sa會否羨慕,她笑笑口謂:「好戥佢開心,同埋行十年到最後真係唔易!(覺得仲有冇可能好似佢咁?)我啋過你呀!講埋咁嘅嘢!其實好多嘢都整定嘅,唔需要過份擔憂,上天會安排嘅!」

髮型:Sing Tam @ pi4.hk(蔡卓妍)、Cliff Chan @ hair corner, assisted by Alson Tam(周柏豪)

化妝:Natalie Soo @ ndnco.co(蔡卓妍)、Vinci Tsang(周柏豪)

場地:柏寧酒店


來源 source: http://hk.on.cc
鍾意就快D Share啦!
Related Posts Plugin for WordPress, Blogger...