Twins終於出新碟喇！
組合Twins到電台宣傳新碟《花約》，蔡卓妍（阿Sa）指新碟中的《有約》和《失約》都與時機有關：「人生一定有人早到或者早走，都係緣分。（點應對？）慣咗啦，係咁㗎啦，我天蠍座係冇得返轉頭。」問到感情路上學到甚麼？阿Sa表示學會了愛自己：「我係戀愛大過天，一嚟就中哂個頭埋去，依家就唔得。」鍾欣潼（阿嬌）則認為經驗可以令下一段感情更好。說到過往MV的男主角不是死亡就是衰人，她們笑言今次都是，阿Sa謂：「《朋友以上》我哋要打碟，我完全零Idea，耳筒黐咗線又甩，好麻煩。」
提到現在的人較少聽整隻CD，阿嬌自言只用手機聽歌，阿Sa就坦言會用手機聽歌，又會買碟，很喜歡拿歌詞看。阿嬌透露以前買的碟因搬屋而遺失感到很慘，阿Sa即說：「如果掉咗我買啲碟，我會殺人！不過啲碟都甩皮甩骨，有隻郭富城係冇咗個樣，因為擺窗台落雨揼濕咗。」至於現已開了16場巡迴演唱會，下一場將於9月30日舉行，她們直言很滿意，又透露已入紙申請下年5月在紅館開，但未決定是否開Part2。
來源 source: http://hk.on.cc
|
鍾意就快D Share啦！
|
|
|
