2017年6月28日 星期三

傳阿Sa撻着舊愛 連詩雅夠器量:好襯呀 __,阿Sa,詩雅,連詩雅,蔡卓妍,

連詩雅話石恆聰同阿Sa好襯。歌手連詩雅今日出席手機發布會,談到有否留意前度男友石恆聰跟蔡卓妍拍拖一事,她說:「我今日都見到呢單嘢,不過分開咗咁耐,佢同 ...


連詩雅話石恆聰同阿Sa好襯。

歌手連詩雅今日出席手機發布會,談到有否留意前度男友石恆聰跟蔡卓妍拍拖一事,她說:「我今日都見到呢單嘢,不過分開咗咁耐,佢同邊個一齊都唔太關我事,關於佢嘅嘢今日之後都唔回應,將來佢有咩動向我都會祝福佢。」

否認死纏爛打

問跟石恆聰分開多久?她說:「唔記得啦,都好一陣子。(有報道話你死纏住佢?)我見到得啖笑,大家冇聯絡好耐,唔係事實我唔回應。(唔會復合?)依家好開心呀,公司同事話我係筍盤。(佢拍拖會唔會祝福佢?)梗係會啦,話晒認識咗多年。(冇再聯絡?)朋友囉,好少聯絡嘅朋友,自己都好忙,要見中學啲女仔朋友。(有傳因為你唔定性同男仔玩得好埋而分手?)呢啲純粹虛構,識我都知我係咩人,都覺得好搞笑。(佢同阿Sa襯唔襯?)靚仔靚女,梗係襯!(覺到呢個消息有冇酸溜溜?)都冇特別感覺,見到舊朋友開心都戥佢開心。(私下有祝福?)遲啲啦。」

對於有傳撮合石恆聰和阿Sa的馬天佑今晚亦在場,問到會否尷尬?她說:「從來唔會尷尬,都分咗手咁耐,我識佢好耐啦,佢係我中學啲共同朋友。」

猛話工作勁忙

另外,談近華納唱片控告經理人公司一事,她表示合約經已完結,會交給公司處理,心情未有因而影響:「心情OK嘅,有Keep住工作,嚟緊會有個大Project,同埋忙於做宣傳同訪問。(同柏豪一齊工作?)唔係同佢,會同公司其他藝人合作,好快就會公布呢個消息,呢排都勁忙。(跟同事關係有冇影響?)唔方便講,交咗畀公司同律師處理啦,私底下都有傾有講,同佢哋本身都friend,識咗好多年,唔會話好大分別,只係工作上有唔變動,多咗同經理人公司嗰邊合作,都開心嘅,知道嚟緊工作一啲安排,感覺充實啲。」

又大一歲望有艷遇

明日Shiga便會踏入29歲生日,她認為:「人愈大,覺得自己嘅嘢多咗,經驗多咗,睇到嘅嘢又多咗,入咗行咁耐都知道邊啲朋友係身邊支持自己。生日願望睇吓會唔會有艷遇啦,自己都會專注喺工作上。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...