掃呢頁CODE去手機

2017年6月11日 星期日

蘇志威愛駒首出賽 Sad爆跑第尾! __,蘇志威,

下次加油!今日又係賽馬日,好多星級馬主嘅愛駒都有出賽。樂壇組合草蜢成員蘇志威,都有入場撐愛駒「駿王」,今次仲係「駿王」第一次出賽添,但可惜「駿王」最後 ...


下次加油!

今日又係賽馬日,好多星級馬主嘅愛駒都有出賽。樂壇組合草蜢成員蘇志威,都有入場撐愛駒「駿王」,今次仲係「駿王」第一次出賽添,但可惜「駿王」最後跑第尾,仲輸成27個馬位,「駿王」之前受過傷,仲有退役嘅可能,今次參到賽已經好叻!執到正一正嘅蘇志威接受訪問,佢話:「話晒成年都冇跑過,今次畀佢適應吓先,今次佢係第一次跑,遲啲畀佢再跑多次,之後來季再嚟!」而蘇老闆老婆劉小慧同大女都有入場,而二女因為未夠歲,所以冇入到場。蘇志威大女愈大愈靚女,似足媽咪劉小慧呀!

另外,馬德鐘同陳玉蓮嘅團體馬「快樂自在」都有出場,但可惜以大熱姿態,最後跑第十二,令人大跌眼鏡。至於李嘉欣同許晉亨、洪金寶愛駒仲同場出賽添,但齊齊包辦最尾兩位,Sad到爆。仲有,JW男友都有入馬場,但就唔係同女友JW入場,反而係同無綫小花彭慧中一齊入場呀。


來源 source: http://hk.on.cc
鍾意就快D Share啦!