2017年6月27日 星期二

【小方身家過億】會唔會重新考慮? Stephy會點答... __,Stephy,方力申,小方,鄧麗欣,

鄧麗欣(Stephy)今日喺灣仔瑞士咖啡室做兼職侍應,原來佢今次係為慈善團體「點滴是生命」籌款,Stephy落每一張單,咖啡室都會全數捐俾慈善機構,難 ...


鄧麗欣(Stephy)今日喺灣仔瑞士咖啡室做兼職侍應,原來佢今次係為慈善團體「點滴是生命」籌款,Stephy落每一張單,咖啡室都會全數捐俾慈善機構,難怪Stephy就話有啲緊張,仲話已經學識落單嘅速寫,希望落得愈多單愈好。前男友方力申俾方爸爸踢爆佢投資好叻,買嘅藝術品升值力強,現有過億身家,Stephy就直認小方都有教佢買畫,佢話:「嗰時冇諗住用嚟投資,覺得自己鍾意同保值,o依家都唔捨得賣,除非好唔掂啦。」講到小方賺成億,Stephy笑話:「佢咁多,我冇計啫,我都有7千,係我目標嚟。」講到o依家嘅感情狀況,Stephy就直認冇拍拖,問佢會唔會重新考慮小方?佢就話:「咁難答嘅,祝福大家。」另外,Stephy下個月出戰最後一場排球護級戰後,就開始投入新戲拍攝,拍連續兩部警匪片,仲話預咗會比較辛苦。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...