掃呢頁CODE去手機

2017年6月8日 星期四

餅印父子  Toby未婚生仔搏有餡箍實陳七 [壹週刊 - 1422] __,Toby,陳七,梁靖琪,M1,

陳七陪實未婚妻Toby現身銅鑼灣揀BB用品。探熱針餅印父子 Toby未婚生仔搏有餡箍實陳七今年初轉投飛馬的足球員「陳七」陳肇麒同組合MVG成員劉雅婷( ...


陳七陪實未婚妻 Toby現身銅鑼灣揀 BB用品。

探熱針

餅印父子  Toby未婚生仔搏有餡箍實陳七

今年初轉投飛馬的足球員「陳七」陳肇麒同組合 MVG成員劉雅婷( Toby)拍拖期間多次偷食斷正,為了氹番女友, 14年終於在美國向 Toby求婚成功,但之後卻一直對婚事 hea爆未有註冊擺酒的實際行動!

唔知係唔係 Toby都驚陳七「落完訂」之後「撻訂」,去年開始 Toby一直努力 mark實陳七「開工」,最終俾佢恨到,一索得男!日前,陳七同 Toby就帶埋已經九個月大的囝囝 Klay現身銅鑼灣皇室堡行街睇嬰兒用品,二人全程將囝囝交俾外傭姐姐照顧,自己掛住 shopping,不知幾疏乎!

揀 BB車

同 Toby拍拖六年的陳七,二○一四年向女友求婚成功,可惜二人婚期一再延遲, Toby惟有出絕招努力「造人」,絕招綁實男友,最後成功一索得男搞掂風流陳七!早前,榮升做老豆的陳七同未婚妻 Toby帶同成個老豆餅印嘅囝囝,加埋工人姐姐,一行四人去到銅鑼灣皇室堡行街。

生完依然 keep到身材嘅 Toby當日著住條開衩長裙大騷白滑長腿,身上仲孭住一大個奶粉袋周圍逛,在旁的陳七起初全程掛住玩電話,囝囝就交俾外傭姐姐照顧,眼見 Toby面色一變,陳七隨即提議轉戰入嬰兒用品店,在店員指引下二人在店內搜羅產品,其間陳七對一架嬰兒車表現得相當有興趣,孖 Toby咬一輪耳仔後,就拎上手試車,可惜最後沒有收穫!

陳七掛住玩電話, Toby即刻面色一變。

Toby生完依然 keep到身材,做咗媽咪繼續大騷白滑長腿出巡。

為咗氹番 Toby,陳七即拉對方入嬰兒用品店揀用品俾囝囝。

陳七同 Toby掛住行街,惟有將囝囝交俾外傭姐姐照顧。

修心養性

去年九月,當時仍是南華前鋒的陳七,獲球會批准休假陪伴未婚妻 Toby產子,貪玩的陳七做咗老豆之後突然變得修心養性。

「 Toby佗着 BB嗰陣成日同我哋呻好驚陳七做咗老豆之後都係咁爛玩,好彩自從 BB出世之後陳七變得黐家咗,又會主動陪 Toby出席朋友啲小朋友聚會,而佢哋有工人姐姐幫手湊個仔,所以都唔算好辛苦!不過始終佢兩個都好鍾意飲酒,以前佢哋成日分開蒲好容易出事,依家陳七為咗令 Toby安心,出去飲嘢都會一齊出動!個仔對佢哋嚟講真係好大改變!」 Toby身邊人說。

陳七一索得男,九個月大的囝囝 Klay同老豆餅印一樣。

14年,陳七於美國向女友 Toby求婚成功,可惜之後陳七未有註冊擺酒的實際行動。

做咗老豆,陳七變得黐家,更經常陪「老婆」出席朋友聚會。

去年五月, Toby佗住肚都堅持去機場接比賽完返港的陳七機,二人一見面即攬到實。

撰文:娛樂組

攝影、攝錄:楊紫


鍾意就快D Share啦!