2017年6月7日 星期三

【最新】母:佢情況好差 T.O.P@BIGBANG仍陷昏迷靠氧氣罩呼吸 __,BIGBANG,

正服兵役嘅韓國天團BIGBANG成員T.O.P上周四被爆於去年10月跟女練習生韓瑞希吸食大麻,T.O.P遭檢方不拘留起訊並被調職到第4機動隊,不過昨午 ...


正服兵役嘅韓國天團BIGBANG成員T.O.P上周四被爆於去年10月跟女練習生韓瑞希吸食大麻,T.O.P遭檢方不拘留起訊並被調職到第4機動隊,不過昨午就爆出T.O.P疑過量服食鎮靜劑致昏迷送院,正於梨花女子大學附屬木洞醫院嘅ICU留醫,目前仍未恢復意識。噚晚香港時間9時左右,警方指T.O.P「唔係病情危殆,目前係昏睡狀態,大概一、兩日藥效就會退」,並指叫T.O.P嘅名或者掐佢都有反應,令粉絲安心不少。不過今日T.O.P方面就唔係咁講,其母親今早離開ICU時向在場媒體透露:「T.O.P情況好差,目前正使用氧氣罩呼吸,意識仲未恢復,醫生診斷後都指T.O.P係昏迷狀態被送院,唔明點解會傳出虛假消息。」哭訴「T.O.P只係昏睡」係誤報,而T.O.P所屬嘅YG事務所就指:「對於警方嘅發言我哋都感到慌張,而T.O.P母親亦大感憤怒。」而T.O.P服役嘅第4機動隊就T.O.P係咪恢復意識嘅爭議回應:「我哋從未發表過官方立場稱T.O.P有意識,喺生活館首次發現T.O.P時,我哋判斷為睡眠狀態,應該係媒體喺報道時將我哋所講嘅睡眠狀態表達為『有意識』,據我哋所知,因為T.O.P處於服用藥物嘅情況,院方率先為佢洗胃。」據T.O.P正留醫嘅木洞醫院方面表示,將於今日香港時間晏晝3點舉行記者會記明T.O.P嘅情況。

T.O.P前日首度現身,昨日被爆疑服藥過度被送院 T.O.P正留醫木洞醫院嘅ICU T.O.P母親現身離開ICU時透露兒子情況好差

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...